Britney kærir ljósmyndara fyrir árás á son sinn

Lífvörður söngkonunnar Britney Spears lenti í slagsmálum við ljósmyndara sem reyndi að ná myndum af söngkonunni og börnum hennar þar sem þau voru stödd í Las Vegas.

Tveggja ára sonur Spears, Sean Preston, varð fyrir höggi í slagsmálunum og hefur Britney kært ljósmyndarann fyrir árásina á hann.

Ljósmyndarinn hefur einnig kært lífvörð poppstjörnunnar, Julio Camera, vegna árásarinnar.

Spears á nú í forræðisdeilu við barnsföður sinn, Kevin Federline, og getur þessi atburður leitt til frekari vandræða í þeim málum. Samkvæmt lögum í Kaliforníu má Spears ekki fara úr fylkinu án samþykkis frá Federline, en svo virðist sem hún hafi ekki leitað eftir því.

—————

Meira hér.