Felix strax orðinn 5 stiga fellibylur

Annar fellibylur haustsins í Karíbahafi er skyndilega kominn í 5. stigs styrkleika að sögn Bandarísku fellibylamiðstöðvarinnar. Vindhraði í bylnum er þegar kominn upp í rúmlega 270 km og eyðileggingarmátturinn gríðarlegur. Ríkisstjórn Honduras hefur sent út formlega viðvörun samkvæmt frétt CNN.

Í 5. stigs fellibyl getur vatnborð hækkað um rúmlega 6 metra.

Fellibylurinn færist í vesturátt eftir sunnanverðu Karíbahafi og stefnir á Mið-Ameríku og gæti verið kominn á land á morgun.