HR og Bifröst íhuga sameiningu

Háskólinn í Reykjavík og Háskólinn á Bifröst íhuga að sameinast. Rektorar skólanna tveggja hafa hist til að ræða málið, og það hefur einnig „ratað inn fyrir veggi menntamálaráðuneytisins,“ að því er fram kemur í Viðskiptablaðinu í dag.

Blaðið segir málið á viðkvæmu stigi og skoðanir um málið eru sagðar skiptar innan skólanna. Fylgjendur sameiningar telji að sameinaður skóli yrði mun hagkvæmari rekstrareining sem geti boðið nemendum mun betri þjónustu en á Bifröst hafa menn áhyggjuar af því að HR mundi gleypa Bifröst við sameiningu.

Í viðtali við Ríkisútvarpið í morgun sagði Svava Grönfeldt, rektor HR, að engar viðræður hafa átt sér stað og sameining sé ekki á döfinni nú, hvað sem framtíðin leiði í ljós.

—-

Nánar í Viðskiptablaðinu.

Frétt RÚV.