Af litlum neista… Lítill drengur með eldspýtur átti upptök að skógareldum

Lítill drengur og eldspýtustokkur getur verið hættuleg samsetning. Það hafa að minnsta kosti íbúar í Kaliforníu upplifað svo um munar, en samkvæmt nýjustu fréttum hófust eldarnir miklu, sem urðu 14 manns að bana, með litlum dreng og eldspýtustokk.
Í yfirlýsingu frá lögreglu segir að drengurinn, sem ekki er nafngreindur, hafi viðurkennt að hafa leikið sér með eld og óvart komið af stað skógareldum í kringum Los Angeles.

Eldurinn eyðilagði 21 heimili og 15.378 hektara lands. Meðan á eldunum stóð voru fimm manns teknir til yfirheyrslu, en enginn þeirra reyndist tengjast upptökunum.

Frá þessu segir í Berlingske Tidende.