Frönsk kartafla og hálfétið popkorn Beckhams til sölu á netinu

Nýsjálenskir aðdáendur fótboltastjörnunnar Davids Beckham eru að reyna að græða á nýlegri heimsókn hans til Nýja Sjálands með því að selja ýmsar vörur á netinu honum tengdar.

Vörurnar sem um er að ræða eru meðal annars umbúðir utan af mat sem Beckham lagði sér til munns og óhreinir diskar.

Á nýsjálensku síðunni Trade Me er til sölu hálfétinn popkornspoki stjörnunnar, næstum tóm flaska af kóki og ein frönsk kartafla sem seljandinn segir að Beckham hafi misst á göngu sinni á Wellington street.

Hálfétinn maísstöngull og gosflaska koma frá kjúklingastað þar sem Beckham át á fimmtudagskvöld. Seljandinn er líka með disk og hnífapör sem hann segir Beckham hafa notað á veitingastaðunum.

Þegar hefur verið boðinn einn dalur í frönsku kartöfluna, sem einhver hækkaði svo í þrjá dollara.

Beckham var í höfuðborg Nýja Sjálands í þrjá daga í síðustu viku með LA Galaxy-fótbotaliðinu. Hann fór á sunnudag til að hitta Victoríu eiginkonu sína í Vancouver þar sem Spice Girls voru með tónleika.