Bílsprengja við heimili Allawis

Bílprengja sprakk í sjálfsmorðsárás í nótt rétt utan við heimili Ayads Allawis, fyrrum forsætisráðherra Íraks og Salehs Mutlaqs, sem er einn stjórnmálaleiðtoga Súnníta í vesturhluta Baghdads í Írak. Tveir lögreglumenn létu lífið.

Sprengjan sprakk þar sem lögregluvörður var staðsettur utan við höfuðstöðvar stjórnmálaflokks Allawis. Þrettán manns slösuðust. Atvikið átti sér stað í útjaðri Græna svæðisins svokallaða.