Settar verða reglur um gjafir til embættismanna

Í framhaldi af fréttum um að Kaupþing hafi gefið starfsmönnum Fjármálaeftirlitsins vínflösku í jólagjöf ætlar Björgvin G. Sigurðsson viðskiptaráðherra  að láta setja skýrar reglur um gjafir til opinberra starfsmanna og verður fundað um málið í fyrsta skipti í dag í viðskiptaráðuneytinu.

Fréttablaðið skýrir frá málinu í frétt þar sem segir að reglur viðskiptaráðherra eigi einnig að gilda um stjórnmálamenn.

Í samtali blaðsins við Björgvin kemur fram að hann telji ekki nauðsynlegt að áminna forstjóra Fjármálaeftirlitsins fyrir að hafa þegið gjafirnar.