Ók 40 sinnum gegnum Hvalfjarðargöngin án þess að borga

Héraðsdómur Vesturlands hefur til meðferðar mál gegn manni sem ákærður er fyrir að aka 40 sinnum í gegnum Hvalfjarðargöngin án þess að greiða gangagjaldið.

Lögreglan á Akranesi segist bíða spennt eftir niðurstöðu málsins því þar reyni í fyrsta sinn á hegningarlagaákvæði gagnvart brotum þeirra sem koma sér undan því að greiða gangagjaldið. Fram að þessu hefur aðeins verið ákært á grundvelli umferðarlaga en að þessu sinni er ákært fyrir fjársvik og til vara nytjastuld.