Ísland vann Færeyjar 3-0

Íslendingar unnu Færeyinga 3-0 í vináttulandsleik í knattspyrnu í Kórnum í Kópavogi í dag. Jónas Guðni Sævarsson og Tryggvi Guðmundsson skoruðu fyrir Ísland en þriðja markið var sjálfsmark.

Lið Íslands var nær eingöngu skipað leikmönnum sem leika hér heima. Í byrjunarliðinu voru: Kjartan Sturluson, Birkir Már Sævarsson, Atli Sveinn Þórarinsson (fyrirliði), Bjarni Ólafur Eiríksson, Heimir Einarsson, Davíð Þór Viðarsson Jónas Guðni Sævarsson, Aron Einar Gunnarsson, Baldur Aðalsteinsson, Tryggvi Guðmundsson, Helgi Sigurðsson. Varamenn voru: Stefán Logi Magnússon, Guðmann Þórisson, Hallgrímur Jónasson, Guðmundur Reynir Gunnarsson, Pálmi Rafn Pálmason, Hjörtur Logi Valgarðsson. Allir leikmennirnir komu við sögu nema Stefán Logi, varamarkvörður.

Maður leiksins var Aron Einar Gunnarsson, eini leikmaður íslenska liðsins sem leikur erlendis en hann leikur hjá AZ Alkmaar í Hollandi.