Hillary skýst langt fram fyrir Obama í Pennsylvaníu
Hillary Clinton hefur óvænt aukið forskot sitt á Barack Obama fyrir forkosningar Demókrata í Pennsylvaníu. Ný könnun American Research Group sýnir að munurinn á milli þeirra er orðinn 20% prósentur, Clinton í vil.
Fyrir aðeins viku síðan sýndi sama könnun hnífjafna stöðu þeirra meðal demókrata í Pennsylvaníu. Forkosningarnar þar fara fram 22. apríl.
Obama lét orð falla um verkamenn og dreifbýlisfólk íPennsylvaníu á föstudag, sem þóttu óheppileg. Hann sagði meðal annars að fólk þarna væri biturt vegna stöðu efnahagsmála. Það héldi dauðahaldi í byssuna sína og biblíuna, og hefði andúð á fólki sem væri ekki eins og það.
Hillary hefur gagnrýnt ummælin harkalega og sakað Obama um menntahroka og fyrirlitningu á venjulegu vinnandi fólki.
Skoðanakönnun Gallup í gær sýndi þó að Obama heldur enn umtalsverðri forystu á Clinton á landsvísu: 50%-41%.
Kannanir American Research Group undanfarnar vikur:
| Mar 7-8 | Mar 26-27 | Ap 5-6 | Apr 11-13 | |
| Clinton | 52% | 51% | 45% | 57% |
| Obama | 41% | 39% | 45% | 37% |
| Einhver annar | 1% | 2% | 4% | 2% |
| Óákveðnir | 6% | 8% | 6% | 4% |
Forskot Hillary Clinton á Barack Obama:
48% – 44% meðal karlkyns kjósenda
64% to 31% meðal kvenna.
Ummæli ()
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is