Guðmundur Þóroddsson hættir hjá Orkuveitunni og REI

Guðmundur Þóroddsson lætur af störfum forstjóra Orkuveitu Reykjavíkur frá og með deginum í dag og telja. Um leið lýkur hann störfum sem forstjóri Reykjavík Energy Invest en því starfi hefur hann gegnt undanfarna níu mánuði í leyfi frá störfum hjá Orkuveitunni.

Þetta var niðurstaða stjórnarfundar Orkuveitunnar í dag sem samþykkti samkomulag þessa efnis undirritað af Guðmundi og Kjartani Magnússyni, formanni stjórnar Orkuveitunar. Í fréttatilkynningu Orkuveitunnar um málið kemur ekki fram hvert efni samkomulagsins er að öðru leyti og hvaða kostnað Orkuveitan ber af starfslokunum. Eyjan hefur ekki fengið upplýsingar um það atriði í dag.