Karlmaður skorinn í háls í Lækjargötu

Karlmaður var skorinn í háls í Lækjargötu með brotinni flösku um fjögurleytið í morgun. Lögregla leitar nú tveggja manna sem réðust að manninum.

Á vísir.is kemur fram að vitni voru að árásinni og er rannsókn lögreglu í fullum gangi. Að sögn vaktstjóra í lögreglunni hefur fórnarlamb árásarinnar verið útskrifað af spítala.

Hann missti þó mikið blóð enda var sárið stórt á hálsi fyrir neðan eyra. Illa hafi litið út á tímabili með manninn en allt farið betur en horfði í fyrstu.

Tveir menn voru teknir við ölvunarakstur í borginni í nótt og töluverður erill var hjá lögreglu í miðbænum enda mikið af fólki þar.