Atvinnuleysi eykst hraðar í Bretlandi en spáð var – launahækkanir aldrei minni

Atvinnuleysi hefur aukist hratt í Bretlandi og nú eru 60.000 fleiri án atvinnu en opinberar spár reiknuðu með.

Atvinnulausum Bretum fjölgaði í 1,67 milljónir manna á þremur mánuðum, frá mars til maí.
Þar með er atvinnuleysið komið í 5,4%.

Þeim sem fóru fram á bætur í júlí fjölgaði um 20.100 og voru samtals 864.700.

Þá sýna tölur að launahækkanir fram í júní á þessu ári hafa ekki verið lægri síðan í ágúst 2003.

Laun hækkuðu almennt um 3,4%, sem er ógn við allt heimilishald í Bretlandi, nú þegar verðbólgan er 4,4%.

Búist er við að þessar tölur muni versna enn frekar þegar the Bank of England birtir skýrslu um verðbólgutölur síðar í dag.