Martti Ahtisaari, fyrrv. forseti Finnlands, hlaut friðarverðlaun Nóbels

Fyrrum forseti Finnlands, Martti Ahtisaari, hlaut friðarverðlaun Nóbels nú fyrir stundu.

Talsmaður Nóbelsverðlauna- nefndarinnar, Ole Danbolt Mjøs, sagði margar ástæður liggja að baki valinu á Ahtisaari.

Árin 1989-1990 hafi Ahtisaari haft mikið að segja um frelsun Nabimias.

Árið 2005 lét hann til sín taka í friðarmálum Aceh-héraðs í Indónesíu og árið 1999 vann hann krefjandi starf til lausnar stríðinu í Kosovo Í ár hefur hann reynt að finna lasnir til friðar í Írak.
„Nóbelsnefndin hefur oft veitt verðlaunin friðarsinnum og í dag er  Martti Ahtisaari einn fremsti boðberi friðar í heiminum,“ sagði Mjøs.

Ahtisaari er 71 árs, en hann starfaði sem grunnskólakennari en hóf störf hjá finnska utanríkisráðuneytinu árið 1965.

Ahtisaari starfaði hjá Sameinuðu þjóðunum í fjögur ár en var ráðinn ráðuneytisstjóri finnska utanríkisráðuneytisins til 1994. Hann var síðan kjörinn forseti Finnlands og gegndi því embætti í sex kjörtímabil.

Aðrir sem hlotið hafa friðarverðlaun Nóbels eru m.a. Nelson Mandela, F.W. de Klerk, Jimmy Carter og  Al Gore.