Green vill kaupa skuldir Baugs í Bretlandi fyrir tvo milljarða punda

Financial Times segir frá því í dag að sir Philip Green, eignadi BHS og Top Shops, hyggist leggja tvo milljarða punda, rúmlega 300 milljarða kr., í Baug í Bretlandi.

Green kom til Íslands í gærmorgun með einkaflugvél Jóns Ásgeirs og hefur átt viðræður við eigendur og forstjóra Baugs um lausn á málinu.

Hann segir í viðtali við FT að viðræðurnar gangi út á kaup hans á  öllum skuldum Baugs.
Hann geti ekki hugsað sér að eigur fyrirtækisins, sem hafa verið frystar, fari á hausinn.

Blaðið segir Baug hafa sagt að fyrirtækið ætlaði ekki að selja allar eignir sínar.

Green muni þó verða í sterkri stöðu til að semja um frekari eignarhlut í fyrirtækinu ef hann nái að semja um skuldirnar.