Borgarafundur á morgun. Kastljósi beint að útrásinni og spillingu í viðskiptum

Á opnum borgarafundi á morgun, miðvikudag, verður rætt um stóru fyrirtækin, FL Group, Stoði og spillingu í viðskiptum og atvinnulífi. Frummælendur verða Gunnar Axel Axelsson viðskiptafræðingur og Óli Björn Kárason blaðamaður og rithöfundur auk þriðja manns sem nefndur verður síðar.

Fundurinn verður í Borgartúni 3 og hefst kl. 20:00.

Fundarboðendur vekja athygli á nýjum fundarstað.  Húsnæði þar sé töluvert minna en þeir fundarstaðir sem áður hefur verið notast við. Fundargestir eru því hvattir til þess að mæta tímanlega.