Súludansarinn Kate

Kate Hudson er mikill aðdáandi súludansa. Súludansinn stundar hún til að halda sér í formi en nýverið lét hún setja upp súlu inni á baðherbergi hjá sér.

Heimildarmaður US Weekly sagði Hudson óskaplega ánægða með nýju aðstöðuna:

„Hún er svo stolt af þessu. Hló eins og kátur krakki þegar súlan var sett upp og stökk svo á hana og sveiflaði sér með fætur hátt á lofti. Ótrúlega fær og einkar kynþokkafull.“

Kate Hudson hefur stundað súludansinn í meira en fimm ár en eróbikk stripp hefur líka sína vankanta. Hún þurfti tvisvar sinnum að koma á slysadeild árið 2006. Í annað sinn með tognaðan lærvöðva og síðar með brunasár á handlegg.

Þannig að stelpur… farið varlega.