Löng kosninganótt ef frumvarp um persónukjör nær fram að ganga

Ef frumvarp um persónukjör nær fram að ganga gæti litið út fyrir langa kosninganótt.
Þórunn Guðmundsdóttir, fyrrverandi formaður yfikjörstjórnar Reykjavíkurkjördæmis norður, segist í samtali við Morgunblaðið óttast að talning muni dragast von úr viti.

„Þegar ég heyrði um frumvarpið hugsaði ég með mér, guði sé lof að ég er hætt í þessu,“ segir Þórunn í Morgunblaðinu.

Þórunn hefur unnið í kjörstjórn í nokkrum prófkjörum Sjálfstæðisflokksins, þar sem frambjóðendum hefur verið raðað eins og meiningin er að gera í alþingiskosningunum.

Þurft hafi að handtelja hvern einasta kjörseðil sem hafi verið mjög  tímafrekt og óhemju mikil vinna.

Það er þó talið ólíklegt að frumvarpið nái fram að ganga, það hafi komið fram of seint.

Steingrímur J. Sigfússon segir þó ásetning standa um að koma þessu máli áfram þó ekki náist samstaða meðal flokkanna nú.