Kristinn Örn Jóhannesson sigraði í formannskjöri VR. Gunnar Páll neðstur

Kristinn Örn Jóhannesson hefur verið kosinn nýr formaður í VR, fjölmennasta verkalýðsfélagi landsins.

Kristinn sigraði í formannskjörinu með nokkrum yfirburðum, eða 41,9% atkvæða.

Lúðvík Lúðvíksson fékk 30,1% og Gunnar Páll Pálsson núverandi formaður VR fékk 28%. Nýr formaður tekur við á aðalfundi 2. apríl.

6.743 af rúmlega 25 þúsund félagsmönnum, eða um 26%, tóku þátt í kosningunni sem var rafræn.

Kristinn Örn Jóhannesson er 42 ára og hefur verið félagi í VR með hléum frá 16 ára aldri.
Hann er vaktstjóri í flugrekstrareftirliti Primera Air. Hann  nam flugrekstrarfræði í Bandaríkjunum og hefur starfað bæði hérlendis og erlendis síðastliðin 22 ár. Kristinn er í sambúð og á þrjár dætur, þriggja og fimm ára.