Gísli Marteinn: Sigurvegar próf- kjörsins í Reykjavík utan innsta valdakjarna flokksins

Sigurvegarnir þrír í prófkjöri Sjálfstæðisflokksins í Reykajvík í gær, Illugi Gunnarsson, Pétur Blöndal og Ólöf Nordal, voru öll utan innsta valdakjarnans í Sjálfstæðisflokknum undanfarin ár. Ekkert þeirra sat í ríkisstjórn og raunar voru þau öll fremur gagnrýnin á ríkisstjórn Sjálfstæðisflokks og Samfylkingar.

Þetta segir Gísli Marteinn Baldursson borgarfulltrúi Sjálfstæðisflokksins í Reykjavík á Eyjubloggi sínu í dag.

Gísli Marteinn segir að þeir sjálfstæðismenn sem sátu í ríkisstjórninni hafi ýmist ákveðið að hætta fyrir þetta prófkjör, sett stefnuna neðar en áður eða beðið ósigur. „Ekkert þeirra þriggja sem hrepptu fyrsta sætið í Reykjavík, Kraganum eða Suðurlandi höfðu áður verið oddvitar kjördæmisins, heldur stíga fram sem nýir, fremur ungir og glæsilegir leiðtogar. Þetta eru kynslóðaskipti og skýr skilaboð frá sjálfstæðisfólki,“ segir hann.