Háskólinn í Reykjavík öllum opinn í dag

Háskólinn í Reykjavík opnar dyr sínar upp á gátt fyrir þjóðinni í dag, en þá verður HR-dagurinn haldinn hátíðlegur.

Í aðalbyggingu skólans, Ofanleiti 2, verður hægt að kynna sér nám við allar deildir skólans og veita kennarar og nemendur upplýsingar og ráðgjöf. Enn fremur verða námsráðgjafar á staðnum.

Fræðimenn HR standa fyrir fyrirlestrarmaraþoni í aðalbyggingu HR. Þar verða fluttir 42 fyrirlestrar frá klukkan 11 til 18. Hver fyrirlestur verður átta mínútna langur og viðfangsefnin  fjölbreytt.
Dæmi um fyrirlestra:

Saga hrunsins.

Tölvan eftir 100 ár.

Rannsóknir á ómönnuðum kafbátum og flugvélum.

Hræringar í fjárhag lífeyrissjóðanna.

Málefni barna og foreldra.

Hvað er viðskiptasiðferði?

Möguleikar Íslands til að verða alþjóðleg umskipunarhöfn innan 20 ára.

Greind geimför.

Er íslenskur vinnumarkaður sveigjanlegur?

Traust í samningaviðræðum.

Nánari upplýsingar um dagskrá fyrirlestramaraþonsins má finna á
www.hr.is/hrdagurinn.