Þingkosningarnar: Góð kjörsókn um land allt. Svipað og kosningunum 2007

Kjörsókn í alþingiskosningunum hefur farið vel af stað. Kjörfundur hófst víðast hvar kl. 9 í morgun og lýkur kl. 22, en upp úr því má búast við fyrstu tölum úr nokkrum kjördæmum.

Á mbl.is segir að kjörsókn í Reykjavík norður hafi verið 13,07% klukkan 12 og þá höfðu 5223 manns kosið. Í Reykjavík suður höfðu 5991 kosið klukkan 12 eða 13,69%. Þetta er svipað og í þingkosningunum 2007.

Í Suðvesturkjördæmi höfðu samkvæmt mbl.is 4576 manns kosið klukkan 11 eða 7,9% kjósenda kjördæmisins

Á vef Sunnlendings segir að kjörsókn í Suðurkjördæmi sé mjög góð og sérstaklega góð í Árborg.

Í Norðvesturkjördæmi opnuðu flestir kjörstaðir klukkan 10 en aðrir ekki fyrr en klukkan 12.

Kjörsókn í Norðausturkjördæmi er sögð góð.

Myndina tók Rúnar Hreinsson ljósmyndari Eyjunnar á einum kjörstaðanna í morgun.