Íslenska alþjóðasveitin með æfingu á Vallarheiði – í dag verður líkt eftir jarðskjálfta í Toskaníu

Nú stendur yfir viðamikil æfing hjá Íslensku alþjóðasveitinni á Vallarheiði í Reykjanesbæ.

Í dag, laugardaginn 1. maí, verður sveitin með æfingu þar sem líkt er eftir því að stór jarðskjálfti hafi orðið í Toskaníuhéraði á Ítalíu. Búið er að setja upp búðir sveitarinnar á Vallarheiði, sem og húsarústir þar sem meðlimir hennar „bjarga“ fólki sem grafist hefur undir í rústunum.

Æfingin hófst seinnipart föstudags og er gert ráð fyrir að hún standi í 36 tíma.