Þriðjudagur 22.09.2009 - 14:33 - Ummæli ()

DV: Morgunblaðið ætlar í stríð gegn ríkisstjórn Samfylkingar og VG

mbl-dv.jpgEins og kemur fram í annarri frétt Eyjunnar er gert er ráð fyrir að tillaga um nýjan ritstjóra Morgunblaðsins verði afgreidd á stjórnarfundi Árvakurs, útgáfufélags Morgunblaðsins, sem nú stendur yfir.

RÚV sagði í fréttum klukkan 16 að samkvæmt heimildum yrði ákvörðunin tilkynnt á morgun.

Stjórnarformaður Árvakurs er Sigurbjörn Magnússon, lögfræðingur Guðbjargar Matthíasdóttur, kaupsýslukonu úr Vestmannaeyjum sem á að sögn DV að minnsta kosti 30 prósent í útgáfunni og þar með ráðandi hlut. Útgerðarfyrirtækin Samherji og Vísir í Grindavík og fleiri eru jafnframt í hópnum sem eignaðist Árvakur í all umdeildu söluferli í byrjun árs. Sigurbjörn er sjálfstæðismaður og var meðal annars framkvæmdastjóri þingflokks Sjálfstæðisflokksins 1985 til 1990. Aðrir í stjórn Árvakurs eru Helga Steinunn Guðmundsdóttir, en hún er einn aðaleigandi Samherja, Bjarni Þórður Bjarnason, sem var  forstöðumaður fyrirtækjasviðs Landsbankans fyrir hrun, Ásdís Halla Bragadóttir, fyrrum bæjarstjóri í Garðabæ og Gunnar B. Dungal – öll með mismunandi mikil tengsl við Sjálfstæðisflokkinn.

Í fréttaskýringu Jóhanns Haukssonar um málið í DV í dag segir að kveikjan að ritstjóraskiptum á Morgunblaðinu sé ekki fyrst og fremst rekstrarleg heldur endurspegli hún fremur harðnandi stjórnmálaátök og ríkan vilja hóps á hægrivæng Sjálfstæðisflokksins, nátengdum Davíð Oddssyni „til að reka harða stefnu gegn ríkisstjórn Samfylkingar og Vinstri grænna, herða róðurinn gegn aðild að Evrópusambandinu, berjast gegn ríkisábyrgð á Icesave-skuldunum,
standa vörð um óbreytt kvótakerfi og endurreisa orðspor Sjálfstæðisflokksins.“

„Fyrst og síðast þykir mest um vert að koma núverandi ríkisstjórn frá völdum, koma í veg fyrir pólitískt og hugmyndafræðilegt hámarkstjón flokksins vegna bankahrunsins, skrifar Jóhann.“

DV fer mikinn í umfjöllun sinni og Reynir Traustason ritstjóri segir í leiðara blaðsins í dag að óheilindi og leynimakk hafi markað söluna á vegum Íslandsbanka í upphafi árs, frá fyrri eiganda Björgólfs Guðmundssonar, sem tapaði sínum eignarhluta og skuldir upp á þrjá milljarðar króna voru afskrifaðar hjá íslandsbanka og Landsbanka. „Hyski sem hefur hreiðrað um sig í almenningsbanka tryggði rétta niðurstöðu,“ segir Reynir.

DV, sem skrifaði ítarlega um söluferlið í upphafi árs, rifjar það upp í umfjöllun sinni í dag, að þó svo að Ástralinn Steve Cosser (sem fyrst og fremst vildi eignast prentsmiðju blaðsins) hafi verið tjáð að hann ætti hæsta tilboðið, þá hafi eitthvað orðið til þess að örlögin snerust gegn Cosser og útgerðarhópurinn hreppti hnossið.

DV segir einnig tvo aðra menn nærri Guðbjörgu hafa beitt sér í málefnum Morgunblaðsins, fjárhaldsmann hennar  Gunnlaug Sævar Gunnlaugsson og Einar Sigurðsson son hennar. DV segist hafa heimildir fyrir því að
Einar hafi gert óbeinar tilraunir til að hafa áhrif á ritstjórnarstefnu Morgunblaðsins í ritstjórnartíð Ólafs Stephensen, en líka skrifað greinar í blaðið um pólitísk málefni.

Vitnað er í grein Einars í nýju tölublaði Þjóðmála þar sem hann ritar: „Þegar ríkisstjórn Sjálfstæðisflokks og Framsóknarflokks tekur við eftir næstu kosningar, til að hreinsa upp eftir núverandi vinstri stjórn, mun hennar fyrsta verk verða að leggja fram frumvarp til laga sem hefst á þessum orðum: „Alþingi samþykkir að fella niður ríkisábyrgð
vegna svokallaðra Icesave-samninga.“

Blaðið rifjar auk þess upp að sá starfsmaður Íslandsbanka sem annaðist sölu Árvakurs til hópsins hafi verið Einar Örn Ólafsson, þá forstöðumaður fyrirtækjasviðs Íslandsbanka. Hann sé einnig „liðsmaður úr innsta kjarna Sjálfstæðisflokksins. DV hefur greint frá því hvernig honum var vikið síðar úr bankanum vegna vafasamra afskipta hans af sölu ráðandi hlutar bankans í Skeljungi. Einar Örn er nú forstjóri Skeljungs. Þá rifjar DV einnig upp að „Einar
Örn hýsti af einhverjum ástæðum stuðningsmannafélag Bjarna Benediktssonar, formanns Sjálfstæðisfokksins, heima hjá sér að Einimel 18 í Reykjavík.“

Þá er vitnað í frásögn Gunnars Smárasonar í Eyjubloggi af „ofboðslega“ reiðum Hollendingi sem hann var samferða í flugvél til Kaupmannahafnar fyrr á árinu og hafði gert tilboð í Morgunblaðið. Hann hafði fengið símtal seint á sunnudagskvöldi frá Íslandsbanka og sagt að hann væri með hæsta boðið og yrði að drífa sig til Íslands. Á miðvikudegi er honum svo sagt að það hafi birtst í fjölmiðlum að búið væri að ganga að tilboði Óskars
Magnússonar.

„Ástæðan fyrir bræði Hollendingsins var ekki að hafa tapað, heldur að leikreglum hins „gegnsæja útboðsferlis“ væri breytt þegar í ljós kom að niðurstaðan hentaði ekki „íslenskum aðstæðum!“ Hollendingurinn var ekki síst reiður yfir því að hafa eytt tíma sínum í að eiga viðskipti í svona spillt  umhverfi. Hann sagðist hafa gert ráð fyrir að Ísland væri Evrópuríki, ekki spillt bananalýðveldi.“

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Samkeppni um listaverk á vegg sjávarútvegshússins -Hjörleifur tjáir sig ekki

Atvinnuvega- og nýsköpunarráðuneytið hefur ákveðið í samráði við Samtök íslenskra myndlistamanna að efna til samkeppni um nýtt listaverk sem prýða skal gafl sjávarútvegshússins. Eins og kunnugt er var málað yfir mynd af „sjómanninum“ í sumar, sem prýddi gaflinn í næstum tvö ár, sem hluti af Iceland Airwaves tónlistarhátíðinni. Var Hjörleifur Guttormsson, fyrrum ráðherra, sagður einn […]

Enn frestar Hannes skýrslunni – Átti að birtast eftir helgi

Hannes Hólmsteinn Gissurarson, prófessor í stjórnmálafræði við HÍ og höfundur skýrslu um bankahrunið, sem til stóð að gefa út núna á mánudaginn, hefur frestað birtingu hennar fram í janúar. Þetta segir hann í pistli á Pressunni. Skýrslan hefur tekið um þrjú ár í vinnslu, en átti upphaflega að koma út árið 2015, samkvæmt samningi Félagsvísindastofnunnar […]

Vilja fá sérstakt ráðuneyti öldrunarmála -Skora á stjórnarmyndunarflokkana

Landssamband eldri borgara hefur sent frá sér áskorun, sem samþykkt var á stjórnarfundi félagsins í gærkvöldi. Þar er skorað á þá stjórnmálaflokka sem nú ræða myndun ríkisstjórnar, að stofna sérstakt embætti ráðherra öldrunarmála. Þórunn Sveinbjörnsdóttir er formaður Landssambands eldri borgara. Telur hún áskorunina raunhæfa ?   „Já við erum að horfa til þess að í […]

Sigmundur baunar á stjórnarmyndunarflokkana

Sigmundur Davíð Gunnlaugsson, formaður Miðflokksins, ritaði pistil á heimasíðu flokksins í dag. Þar segir hann meðal annars að Vinstri grænir séu að veita Sjálfstæðis-flokknum „uppreist æru“ og vitnar þar í málið sem varð til þess að Björt framtíð sleit stjórnarsamstarfinu við Sjálfstæðisflokkinn og Viðreisn.       Þá spáir hann því einnig að Bjarni Benediktsson […]

Jóhanna Sigurðardóttir rifjar upp gömul svik Jóns Baldvins

Jóhanna Sigurðardóttir, fyrrverandi forsætisráðherra, var gestur Kastljóssins í gærkvöldi í tilefni af útgáfu ævisögu hennar, Minn tími. Meðal þess sem kom fram í þættinum var upprifjun Jóhönnu á samskiptum hennar við Jón Baldvin Hannibalsson, en þau voru oft á tíðum erfið meðan þau voru samherjar í Alþýðuflokknum. Þau voru bæði ráðherrar í Viðeyjarstjórn Davíðs Oddsonar […]

Ræða skattamál í dag

Samkvæmt heimildum Eyjunnar verða skattamál ofarlega á baugi í stjórnarmyndunarviðræðum í dag, líkt og í gær. Vinstri grænir eru sagðir vilja lækka skatt hjá þeim sem eru í lægsta skattþrepinu en á móti hækka fjármagnstekjuskatt. Þá er lækkun tryggingargjalds sagt krafa frá Sjálfstæðiflokknum. Þá eru umhverfismál einnig ofarlega á baugi hjá Vinstri grænum sem og […]

Nóbelsverðlaunahafi segir Donald Trump vera fasista

Bandaríski hagfræðingurinn og nóbelsverðlaunahafinn Joseph Stiglitz, sem starfaði sem ráðgjafi Bill Clinton í forsetatíð hans, segir að Donald Trump Bandaríkjaforseti, sé fasisti.  Í nýrri bók rekur hann áhyggjur sínar af þeim vaxandi ójöfnuði sem ríkt hefur vestra undanfarin ár og reiðinni fylgdi í kjölfarið. „Ég sagði í fyrstu, að ef við löguðum ekki þetta vandamál […]

Friðheimar hlutu Nýsköpunarverðlaun Samtaka ferðaþjónustunnar 2017

Friðheimar hlutu Nýsköpunarverðlaun Samtaka ferðaþjónustunnar fyrir árið 2017 í dag. Verðalunin voru afhent af forseta Íslands, Guðna Th. Jóhannessyni. Markmiðið með verðlaununum er að hvetja fyrirtæki innan SAF til nýsköpunar og vöruþróunar, að því er segir í tilkynningu. Friðheimar er bæði veitingastaður og tómataræktun. Á heimasíðu þess segir: „Friðheimar er fjölskyldurekið fyrirtæki þar sem eru […]

Katrín um fjölgun ráðherra: „Ég hef ekki hug á því“

Opnað var á umræðu um skiptingu ráðuneytisstóla í gær í stjórnarmyndunarviðræðum Vinstri grænna, Sjálfstæðisflokks og Framsóknarflokks. Þaðan bárust fréttir um að skipta ætti upp fjármála- og efnahags-ráðuneytinu með það í huga að Framsókn fengi síðarnefnda ráðuneytið og Bjarni Benediktsson það fyrra. Hinsvegar virðist Katrín Jakobsdóttir, formaður Vinstri grænna og væntanlegur forsætisráðherra, ekki spennt fyrir þeim […]

Minnist þátttöku Vestur-Íslendinga í fyrri heimsstyrjöld

Íslendingar hafa löngum stært sig af því að eiga engan her og ekki tekið þátt í stríðum, ekki sem þjóðríki að minnsta kosti. En fyrir rúmlega 100 árum tóku fjölmargir Vestur-Íslendingar þátt í fyrri heimsstyrjöldinni, sem höfðu gengið í kanadíska herinn haustið 1914 til að þjóna sínu nýja föðurlandi.   Í bókinni „Mamma, ég er […]

Björn Valur: „Óráð hjá nýrri ríkisstjórn að fjölga ráðherrum“

Fyrrum varaformaður Vinstri grænna, Björn Valur Gíslason, vill ekki fjölgun ráðuneyta í væntanlegri ríkisstjórn Vinstri grænna, Sjálfstæðisflokks og Framsóknar. Þetta segir hann í pistli á heimasíðu sinni. Samkvæmt fréttum er það nú rætt í stjórnarmyndunar-viðræðum að  fjölga ráðuneytum með þeim hætti að skipta upp fjármálaráðuneytinu, þar sem Framsókn vill stjórna efnahagsmálum. Fjármálaráðuneytið er sagt tilheyra […]

Jón Steinar skrifar: „Málinu drepið á dreif“

Í síðustu viku kom Helgi Seljan fréttamaður á RÚV að máli við mig og óskaði eftir viðtali um nýútkomna bók mína „Með lognið í fangið“ og málssókn Benedikts Bogasonar hæstaréttardómara á hendur mér. Benedikt byggir málssókn sína á því að ég hafi meitt æru hans með því að nota í bókinni orðið„dómsmorð“ um dóm hans […]

Verður ráðuneytum fjölgað ?

Meðal þess sem rætt er í stjórnarmyndunarviðræðum er fjölgun ráðuneyta. Það ku vera Framsóknarflokkurinn sem leggur áherslu á að fá efnahagsmálin á sitt borð, en fjármálaráðuneytið er talið fara til Bjarna Benediktssonar. Þetta segir á Vísi. Því muni fjármálaráðuneytinu hugsanlega skipt upp í tvö ráðuneyti, líkt og því var háttað fyrir 2009. Þá segir að […]

Samhljóða Steingrímur og Óli Björn í leiðaraopnu Moggans

Er ný ríkisstjórn að fæðast – jú, margt bendir til þess. Og nú má greina samhljóm með Vinstri grænum og Sjálfstæðisflokknum. Til dæmis á leiðaraopnu Morgunblaðsins í dag. Þar eru tvær greinar sem eru mjög keimlíkar. Önnur er eftir Steingrím J. Sigfússon, fyrrverandi formann VG, hin er eftir Óla Björn Kárason, þingmann Sjálfstæðisflokksins. Hingað til […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is