Stýrivextir Seðlabankans óbreyttir, 12%

Peningastefnunefnd Seðlabankans hefur ákveðið að stýrivextir bankans verði óbreyttir, 12%.

Þetta kemur fram í frétt á vef bankans.

Almennt hafði verið búist við þessari niðurstöðu.

Í stöðugleikasáttmála aðila vinnumarkaðarins og ríkisstjórnarinnar er miðað við að stýrivextir verði komnir í eins stafs tölu fyrir 1. nóvember.

Már Guðmundsson stýrði fundi peningastefnunefndar, hinum fyrsta eftir að hann tók við embætti seðlabankastjóra.