Íslensk stjórnvöld búin að senda svörin til ESB

Íslensk stjórnvöld skiluðu í dag inn svörum við spurningalista framkvæmdastjórnar ESB.

Öll ráðuneyti stjórnarráðsins og fjöldi undirstofnana vann að svörunum sem telja rúmlega 2600 blaðsíður, auk fylgiskjala, samtals 8870 síður. Á grundvelli svara íslenskra stjórnvalda mun framkvæmdastjórnin gefa leiðtogaráði ESB álit sitt á hvort Ísland uppfylli viðmið til að verða formlegt umsóknarríki að Evrópusambandinu.

Þetta kom fram í tilkynningu utanríkisráðuneytisins síðdegis.