Búið að opna verslunina Kost eftir tæknileg vandræði fyrri hluta dags

Matvöruverslunin Kostur opnaði fyrir viðskiptavinum eftir hádegi í dag, en ekki tókst að opna í morgun vegna tæknilegra vandræða við verðmerkingar. Í tilkynningu segir að salan gangi að mestu leyti greiðlega fyrir sig.

Þá segir að stöðugur straumur fólks hafi legið í verslunina frá því í morgun.

Jón Gerald Sullenberger framkvæmdastjóri Kosts hefur staðið vaktina við innganginn, þrátt fyrir að vera nær ósofinn við að setja búina upp í nótt, og heilsað hverjum einasta viðskiptavini með handabandi. Kostur opnar svo aftur á morgun kl.12:00.