Níu áramótabrennur í Reykjavík þessi áramótin. Fimm þeirra í stærri kantinum

Alls verður kveikt undir níu áramótabrennum þetta árið í Reykjavíkurborg sem er svipaður fjöldi brenna og verið hefur undanfarin ár. Verður kveikt í þeim öllum klukkan 21:30 á gamlárskvöld. Geti allir þeir er hönd vilja leggja á plóg lagt efni í brennurnar frá og með morgundeginum.

Eru brennur þessa árs á sömu stöðum og verið hefur í borginni. Stórar brennur verða við Ægissíðuna, á Geirsnefi, við Rauðavatn og við gömlu öskuhaugana í Gufunesi.

Smærri brennur verða svo haldnar í Skerjafirði, við Suðurhlíð neðan við Fossvogskirkjugarð, til móts við Valbjarnarvöll í Laugardal og við Suðurfell í Breiðholti.

Óheimilt verður að vera með skotelda við brennurnar og verður strangt eftirlit með að það bann sé virt. Stjörnuljós er þó öllum heimilt að hafa og leika sér með.