Misvísandi kannanir. Meirihluti ýmist með eða á móti synjun forsetans á Icesave-lögunum

Meirihluti landsmanna er andvígur ákvörðun forseta Íslands, Ólafs Ragnars Grímssonar, að synja Icesave-lögunum staðfestingar. Þetta er niðurstaða Gallup-könnunar sem Ríkisútvarpið sagði frá í kvöldfréttum.

Niðurstaða Gallup stangast á við könnun MMR sem birt var fyrr í dag, en samkvæmt henni styðja 56% kjósenda synjun forseta Íslands.

Í könnun Gallup var spurt:  „Ertu sammála eða ósammála ákvörðun forseta Íslands um að staðfesta ekki lög um ríkisábyrgð vegna Icesave-skuldbindinga sem Alþingi samþykkti 30. desember 2009?“

51% aðspurðra voru ósammála, 41% sammála og 8% voru hvorki sammála né ósammála.