Ríkisútvarpið: Von á tilkynningu um uppsagnir starfsfólks og samdrátt í dagskrá

Tilkynnt verður um mikinn niðurskurð í dagskrá Ríkisútvarpsins, útvarps og sjónvarps, og uppsagnir starfsfólks einhvern næstu daga. Stofnunin þarf samkvæmt fjárlögum að lækka útgjöld sín um 250 til 300 milljónir miðað við síðasta ár.

Fundur verður haldinn í stjórn RÚV í dag. Hugsanlegt er að tilkynnt verði um aðgerðir í kjölfar hans strax á morgun.

Samkvæmt heimildum Eyjunnar er mikil spenna í Útvarpshúsinu við Efstaleiti vegna þessa máls og margir starfsmenn uggandi um sinn hag.