Lok, lok og læs. Lofthelgi flestra landa í norðurhluta Evrópu lokuð fram á laugardag

Gosið í Eyjafjallajökli er að hafa ægilegar afleiðingar fyrir nágrannalönd Evrópu og hafa flugmálayfirvöld í velflestum löndum norðantil í álfunni gefið til kynna að lofthelgi þeirra verði lokuð vel fram á morgundaginn.

Mun Eurocontrol, flugmálastofnun Evrópu, gefa út nýja tilkynningu vegna málsins um miðjan dag en veðurspár gera áfram ráð fyrur austlægum vindum sem þýðir öskufall áfram í norðurhluta álfunnar.

Vísindamenn meta það svo að öskufall úr gígnum í Eyjafjallajökli hafi aðeins minnkað frá því í gær en ekki nægilega til að leyfa flug að nýju. Það hefur líka talsvert með vindáttir að gera en spár gera ráð fyrir óbreyttum vindum að mestu frameftir degi.

Lofthelgi þessara landa er alfarið lokuð:

Danmörk

Belgía

Holland

Finnland

Litháen

Lofthelgi þessara er að hluta til lokuð

Bretland

Írland

Svíþjóð

Noregur

Frakkland

Pólland

Þýskaland

Austurríki

Tékkland