27 ára bið á enda: Valur Íslandsmeistari kvenna í handbolta

Valur tryggði sér í kvöld Íslandsmeistaratitil kvenna í handbolta með því að vinna Fram í æsispennandi leik, 26-23.

Þetta var fjórði úrslitaleikur liðanna og sá þriðji sem Valur sigrar. Leikurinn var æsispennandi og lauk venjulegum leiktíma með jafntefli, 22-22.  Þá var framlengt og Valur tryggði sér þriggja marka sigur.

Þetta er fyrsti Íslandsmeistaratitill Vals í handbolta kvenna í 27 ár. Karen Knútsdóttir var markahæst Framara í leiknum, skoraði 10 mörk, en Hrafnhildur Skúladóttir skoraði mest Valsstúlkna, eða 12 mörk.