Haukar Íslandsmeistarar í handbolta karla. Unnu Valsmenn í oddaleik

Haukar urðu í dag Íslandsmeistarar í handbolta karla þriðja árið í röð. Þeir sigruðu Valsmenn í oddaleik með 25 mörkum gegn 20.

Þetta var fimmti úrslitaleikur liðanna og því var ljóst að sigurvegarinn í dag yrði Íslandsmeistari. Leikurinn fór fram að Ásvöllum í Hafnarfirði og var íþróttahöllin troðfull.

Valsmenn höfðu forystuna framan af í leiknum, en Haukar unnu forskotið upp og náðu eins marks forskoti fyrir leikhlé, 10-9.

Um miðjan síðari hálfleik dró svo í sundur með liðunum og unnu Haukar sannfærandi sigur.