Úrúgvæ á toppi A-riðils

Úrúgvæ er með 4 stig í A-riðli HM eftir 3-0 sigur á heimamönnum í fyrsta leiknum í annarri umferð riðlakeppninnar á HM í Suður-Afríku í kvöld. Diego Forlán skoraði fyrstu tvö mörkin, eitt í hvorum hálfleik, Álvaro Pereira bætti svo þriðja markinu við í uppbótartíma.

Forlán skoraði fyrra mark sitt á 24. mínútu leiksins en bætti svo við öðru í seinni hálfleik úr vítaspyrnu á 80. mínútu. Markvörður Suður-Afríku, Itumeleng Khune, hafði brotið á Luis Suarez og fékk að launum rautt spjald og víti dæmt á sig. Forlán er nú orðinn markahæsti leikmaðurinn á HM.

Úrúgvæar eru því komnir á topp A-riðils með fjögur stig.

Fyrr í dag sigraði Chile Hondúras 1-0 og Svisslendingar lögðu Spánverja 1-0.