„Fyrsta atriðið er það að það eru allir í kjöri á landsfundi en ég geri ekki ráð fyrir því að ég gefi kost á mér. Það að flokkurinn stilli saman krafta sína er miklu mikilvægara en einhverjar persónur. Það sem er mest áríðandi fyrir Sjálfstæðisflokkinn er að stilli saman strengi sína og krafta. Sjálfstæðisflokkurinn hefur frá stofnun sinni verið ein öflugasta fjöldahreyfing landsins. Það afl sem býr innra með flokknum þarf að virkja enn betur til að hægt sé að brjótast út úr þeirri stöðnun sem núverandi ríkisstjórn er að kalla yfir íslenskt samfélag,” segir Kristján Þór.

Býst við tíðindum af fundinum

Kristján Þór býst við tíðindum af landsfundinum, þó að hann fari ekki nánar út í það í hvaða málaflokkum það verði.