Morðið í Hafnarfirði: Hnepptur í fjögurra vikna gæsluvarðhald

Gunnar Rúnar í einu myndbanda sinna á youtube.

Héraðsdómur Reykjaness úrskurðaði nú síðdegis að Gunnar Rúnar Sigurþórsson skyldi hnepptur í fjögurra vikna gæsluvarðhalds, vegna gruns um að hafa myrt Hannes Þór Helgason á heimili hins látna aðfararnótt 15. ágúst.

Verður hann því í gæsluvarðhaldi til 24. september.

„Lögð var fram krafa um fjögurra vikna gæsluvarðhald og á hana var fallist í Héraðsdómi Reykjaness. Úrskurðurinn hefur verið kærður til Hæstaréttar,“ segir frá lögreglunni á höfuðborgarsvæðinu.

Gunnar Rúnar var fyrst handtekinn í byrjun síðustu viku, en sleppt sólarhringi síðar. Hann þekkti unnustu Hannesar og hafði m.a. tjáð henni ást sína í myndböndum á youtube og víðar.

Hann var handtekinn að nýju í gær og var síðan gerð ítarleg húsleit á heimili hans í gærkvöld.