Jessica White (26): Kærasta Sean Penn handtekin fyrir að berja konu

Nýja kærastan hans Sean Penn var handtekin um helgina fyrir að ráðast á aðra konu með kjafti og klóm.

Konurnar voru staddar fyrir utan skemmtistað í New York þegar fórnarlambið reyndi að ná leigubíl á undan Jessicu með þeim afleiðingum að Jessica réðist á hana.

Að sögn New York Post á Jessica að hafa kýlt konuna nokkrum sinnum í andlitið, togað í hárið á henni og bölvað í sand og ösku.

Hún var handtekinn fyrir minniháttar árás en sleppt að lokinni yfirheyrslu.

Fyrirsætan Jessica hefur verið að hitta hinn fimmtuga Sean Penn í nokkra mánuði.

Sjálfur var hann nýlega dæmdur til að sinna samfélagsþjónustu í 300 klukkustundir fyrir að hafa ráðist á blaðaljósmyndara.

Hresst par.