VICTORIA BECKHAM (36): Langar að klæða Tildu Swinton og Angelinu Jolie

Victoria Beckham segir að sig langi til að klæða Angelinu Jolie upp í eigin hönnun.

Fyrrum kryddpían sem kölluð var ‘fína kryddið’ segist raunar mjög ánægð þegar konur klæðast hönnun hennar en hana langar sérstaklega mikið til að sjá Angelinu Jolie í fötum frá sér.

Þegar blaðakona breska Hello spurði frú Beckham hvaða stjörnur hún myndi helst vilja sjá í fötum frá sér nefndi hún þó ekki Angelinu fyrst heldur Tildu Swinton sem hún segist hafa þráhyggju fyrir en í öðru sæti var Angelina.

Þar á eftir komu Kate Bosworth og Michelle Obama.

„Þær myndu allar vera flottar í kjólunum mínum. Ég er reyndar alltaf glöð þegar ég sé konur í fötum frá mér. Þær þurfa ekkert að vera frægar, mér finnst þetta ávallt mikið hrós.“