KÓNGAFÓLKIÐ: Brúðkaupsleikfang á markað á næsta ári

thumb

Breska leikfangaverslunin Early Learning Center hefur látið framleiða sérstakt prinsabrúðkaupsleikfang fyrir sig en það er væntanlegt í verslanir í febrúar.

Leikfangið minnir á Lego eða Playmobil leikföng en þar má sjá Vilhjálm prins og tilvonandi eiginkonu hans Kate Middleton, á hestvagni, ásamt lífvörðum, ömmu prinsins og pabba sem enn er víst prins sjálfur.

Leikfangið kostar um 2600 krónur og er hannað fyrir börn, 18 mánaða og eldri.

Í fréttatilkynningu frá framleiðanda er sagt að börnin eigi eftir að „dunda sér klukkustundnum saman við brúðkaups senur“.