Aldrei fleiri fangar í námi samhliða afplánun

Fleiri fangar fara í nám en áður

Aldrei hafa fleiri fangar stundað nám á meðan afplánun stendur. 42 vistmenn á Litla-Hrauni eru skráðir til náms í Fjölbrautaskóla Suðuarlands, og 16 af 18 föngum á Bitru eru í námi. Einnig eru nokkrir fangar á Kvíabryggju skráðir í fjarnám.

Í samtali við Fréttablaðið segir Margrét Frímannsdóttir, förstöðukona á Litla-Hrauni að þeir fangar sem ljúki námi í afplánun horfi öðruvísi til framtíðar. „Menn sjá að þeir hafa möguleika til að breyta um umhverfi og ég tel að skóli sé eitt besta ráðið til að hjálpa þeim að snúa af braut afbrota og draga úr endurkomum.“