Vorið í kaldara lagi en aprílmánuður fjórði heitasti á norðurhveli jarðar

Hitastig fer stighækkandi í heiminum og mest á norðurhveli jarðar

Þó vorið hingað til á Íslandi þyki hafa verið í kaldara lagi miðað við síðari ár sýna mælingar að síðasti aprílmánuður var sá fjórði heitasti á landi á norðurhveli jarðar frá upphafi ábyggilegra mælinga. Ná þær mælingar 132 ár aftur í tímann.

Sést þetta glögglega á gögnum sem aðstandendur vefmiðilsins loftslag.is hafa tekið saman úr ýmsum áttum en að þeim vef standa áhugamenn um loftslag og breytingar á því.

Á heimsvísu var aprílmánuður sá sjötti heitasti miðað við mælingar á landi en sá ellefti heitasti miðað við mælingar í sjó. Sést glögglega að norðurhvel jarðar er að hitna meira en aðrir hlutar heimsins