Jóhanna: Fullbúinn samningur við ESB gæti legið fyrir í lok næsta árs

Samningar við ESB gætu legið fyrir strax í lok næsta árs

Aðeins gæti verið eitt og hálft ár áður en fyrir liggur fullbúinn aðildarsamningur við Evrópusambandið um aðild en á þeim tímapunkti gæti slíkur samningur farið í þjóðaratkvæðagreiðslu.

Kom þetta fram í máli Jóhönnu Sigurðardóttur, forsætisráðherra, á flokksstjórnarfundi Samfylkingarinnar en slíkt mat byggist á því að viðræður við ESB sem hefjast innan tíðar gangi vel.

Upptaka evru gæti tekið þrjú ár í viðbót við samþykkt samningar að mati Jóhönnu en hún sagðist reyndar ekki bjartsýn á að hafist gæti stefnumörkun varðandi evruaðild eins og Alþingi sé skipað í dag. Hins vegar séu öll efnahagsleg markmið sem séu forsendur upptöku evru sem þjóðargjaldmiðils í ágætu samræmi við áherslur núverandi stjórnvalda.

Morgunblaðið segir frá.