Konur njóta forréttinda umfram karla í öllu réttarkerfinu

Konur njóta forréttinda umfram karla við meðferð mála í öllu réttarkerfinu.

Ólík viðhorf til kynjanna endurspeglast í öllu réttarkerfinu.

Konur, sem brjóta lög, fá mun mildari meðferð en karlar allt frá því mál koma til rannsóknar hjá lögreglu og þar til dómur er kveðinn upp.

Þetta er sú niðurstaða sem Helga Vala Helgadóttir, lögfræðingur, komst að í rannsókn sem hún vann í tengslum við meistaraprófsritgerð sína í lögfræði frá Háskólanum í Reykjavík.

Við rannsóknina skoðaði hún um 40.000 mál hjá ákæruvaldi og um 12.000 dóma.

Ræt var við Helgu Völu í hádegisfréttum RÚV og kom þar fram að viðhorfsmunur til karla og kvenna endurspeglist í öllu réttarkerfinu.

Þegar konur fremja brot er mun frekar grennslast fyrir um það ástæður þess að þær hafa leiðst út á glæpabrautina. Þegar sakborningurinn er karlmaður er kerfið ekkert að spá í hvernig standi á því að þessi tiltekni einstaklingur stendur í þeim sporum að vera orðinn sakborningur.

Einnig segir Helga Vala að iðulega sé vísað til þess að konur fari með forsjá barna sinna þegar þær eru dæmdar til vægari refsinga en karlar. Það heyri þó til undantekninga í þeim tilvikum að dómsvaldið hafi grennslast fyrir um það hvort konur fari í raun og veru með forsjá barnanna.

70% þeirra karla sem eru dæmdir til refsingar fara ekki með forsjá barna sinna. 50% kvenna sem hljóta refsidóma eru heldur ekki með forsjá barna sinna.

Helga Vala segir að sú linkind sem konum er sýnd í refsikerfinu byggist á miskilinni umhyggju. Vegna þess að það sé tekið svo vægt á brotum þeirra fari konur á mis við það forvarnar- og betrunargildi sem á að felast í refsingum sé beitt við afbrotum.