Herdís á leið í forsetaframboð? Boðar til blaðamannafundar í dag

Dr. Herdís Þorgeirsdóttir hefur áhyggjur af áhrifum peningaflanna á lýðræðið.

Dr. Herdís Þorgeirsdóttir hefur boðað fjölmiðla til fundar síðdegis í dag. Ekki kemur fram hvert efni fundarins er, en hún hefur verið orðuð við forsetaframboð að undanförnu.

Fundurinn verður haldinn klukkan þrjú í Listasafni Reykjavíkur. Afar líklegt er að efni fundarins snúi á einhvern hátt að embætti forseta, því ekki er langt síðan Herdís skrifaði grein um embættið sem vakti mikla athygli, þar sem hún gagnrýndi ægivald fjármagnsins yfir lýðræðinu.

Herdís starfar sem lögmaður í Reykjavík. Hún er forseti Evrópusamtaka kvenlögfræðinga og starfar mikið fyrir Feneyjanefnd Evrópuráðsins á sviði mannréttinda.