Sunnudagur 24.03.2013 - 20:40 - Ummæli ()

Bjarni opnar á Evrópumálin: Skattaleiðin hefur hvergi nokkurstaðar, aldrei nokkurn tímann verið leiðin útúr kreppu

Bjarni Benediktsson og Hanna Birna Kristjánsdóttir á fundinum í gær.

Bjarni Benediktsson og Hanna Birna Kristjánsdóttir á fundinum í gær.

Sjálfstæðismenn vilja ekki ganga í Evrópusambandið, en það er sjálfsagt að halda þjóðaratkvæðagreiðslu um hvort það eigi að halda samningaviðræðum við ESB áfram. Þetta sagði Bjarni Benediktsson, formaður Sjálfstæðisflokksins á mjög fjölmennum kosningafundi á Hótel Nordica í gær, en um er að ræða nokkra stefnubreytingu frá því sem Sjálfstæðisflokkurinn ákvað á landsfundi fyrir nokkrum vikum.

Þá var samþykkt að hætta þegar viðræðum um aðild og að Evrópustofu yrði lokað, þar sem starfsemi hennar væri frekleg afskipti af innanlandsmálum. Var sú ákvörðun landsfundar harðlega gagnrýnd og því haldið fram að harðlínuöflin hefðu haft betur og ýmsir stuðningsmenn aðildar Íslands að ESB innan flokksins gætu nú ekki hugsað sér að kjósa flokkinn. Hefur Eyjan heimildir fyrir því að Bjarni hafi komið með þetta útspil um evrópumálin til að lægja þær óánægjuraddir og reyna með því að laða stuðningsmenn aðildar til fylgis við Sjálfstæðisflokkinn, en hann hefur farið halloka í skoðanakönnunum að undanförnu.

Útspil Bjarna á kosningafundinum í gær er jafnframt nokkuð í ætt við þingsályktunartillögu sem Þorgerður Katrín Gunnarsdóttir hefur lagt fram á Alþingi, þar sem lagt er til að þjóðin verði spurð samhliða alþingiskosningunum í vor eða sveitarstjórnarkosningum á næsta ári um hvort halda beri viðræðunum áfram.

Strax þarf að lækka skatta

Efnahagsmál voru annars áberandi á fundi sjálfstæðismanna í gær. Þannig var mjög talað fyrir lækkun skatta í því skyni að auka ráðstöfunartekjur fólks. Lögð var áhersla á að aðeins einn flokkur hafi boðað skattalækkun, það er Sjálfstæðisflokkurinn. Ekki sé hægt að skera meira niður, aðeins ein leið sé framundan, það er að örva atvinnulífið. Þjóðin megi ekki við öðrum fjórum árum glataðra tækifæra. Afnema þurfi gjaldeyrishöftin og verkefnið sé að koma á nýjum tíma hagvaxtar. Það hagvaxtarskeið vilji sjálfstæðismenn leiða.

„Stjórnmál snúast um fólk. Þetta er ekki mjög flókið,“ sagði Illugi Gunnarsson þingflokksformaður Sjálfstæðisflokksins og bætti við: „Fólk vill eiga fyrir reikningunum þegar það kemur heim úr vinnunni. Það vill að það sé passað uppá börnin. Fólk vill að mamma og pabbi geti lifað í nokkru öryggi þegar þau verða gömul. Stefna Sjálfstæðisflokksins er fyrir þetta fólk.“

Bjarni Benediktsson var harðorður í garð ríkisstjórnarinnar:

Það finna allir fyrir þessari slæmu ríkisstjórn. Unga fólkið finnur fyrir þessu, eldra fólkið finnur fyrir þessu, það finna allir fyrir þessu. Leið ríkisstjórnarinnar er alltaf að seilast dýpra í vasa okkar. Þessi leið er fullreynd. Þessi leið hefur hvergi nokkurstaðar, aldrei nokkurn tímann verið leiðin útúr kreppu. Það á að lækka skattana.

Bjarni sagði mikið í húfi. „Við höfum öll fengið að upplifa það á eigin skinni hvað þessi fjögur ár vinstri stjórnarinnar hafa verið okkur dýr. Það þarf breytta forgangsröðun, það þarf að tala um hluti sem skipta máli. Við þurfum að sækja fram á öllum sviðum atvinnulífsins. Það er grunnurinn að öllu í samfélaginu. Öðruvís er ekki hægt að reka þetta samfélag okkar með góðum hætti.“

Hann benti á að sextíu milljarða króna halli væri á ríkissjóði, hagvöxtur sé hverfandi.

Það er ekki hægt að loka fjárlagagatinu með því að skera meira niður. Þið þekkið ástandið í velferðarkerfinu, á spítölunum og hjá lögreglunni. Það er ekki hægt að skera meira niður. Það er aðeins ein leið fram á við og hún er að örva atvinnulífið og stækka kökuna. Lykilatriðið í því er að lækka skatta á atvinnulífið. Vinstri menn hafa aldrei skilið þetta. Þessvegna er bara einn flokkur sem hefur boðað lækkun skatta, það er sá flokkur sem við styðjum. Það er aðeins einn flokkur sem einfaldlega verður að vera í forystu næstu ríkisstjórnar og það er Sjálfstæðisflokkurinn.

Og Bjarni sagði ennfremur:

Fólk verður að finna að við stöndum með þeim sem fara af stað og framkvæma. Þessvegna þurfum við að vera í ríkisstjórn.

Þarf að standa með þjóðinni

Hanna Birna Kristjánsdóttir varaformaður Sjálfstæðisflokksins hóf mál sitt á því að flytja fundinum þau „miklu gleðitíðindi“ eins og hún orðaði það, að við værum nú að upplifa síðustu mánaðarmót vinstri stjórnarinnar í landinu. Var mikið klappað fyrir þeim ummælum.

Hanna Birna sagðist hafa verið spurð að því af eldri manni á dvalarheimili á Vesturlandi í vikunni, hvers vegna hún væri að sækjast eftir því að vinna við stjórnmál.

Á sjónvarpsskjánum var í gangi bein útsending frá Alþingi og ljóst að þeim sem á horfðu þótti þar nokkuð vanta á tengslin við þeirra eigið líf. Til umræðu voru afdrif sjórnarskrármálins. Allt annað var hins vegar til umræðu hjá íbúum þessa dvalarheimilis, þar einsog á öðrum heimilum þessa lands höfðu menn áhyggjur af börnum sínum og barnabörnum sínum og skildu ekki þetta rifrildi alla daga á Alþingi um stjórnarskrána. En ég gat ekki annað en svarað: Þetta er það sem mig langar svo mikið til að breyta.

Og Hanna Birna bætti við:

Alþingismenn eru að tala um allt annað en það sem fólkið er að hugsa um. Sjálfstæðisflokkurinn verður að skilja þetta samtal þessa aldraða manns við mig, Sjálfstæðisflokkurinn verður að finna til með þessari þjóð og standa með henni.

Hanna Birna sagði ennfremur að hver fjölskylda hafi þurft að glíma við það eftir að vinstri stjórnin tók við, að borga í kringum milljón krónur meira á hverju ári í skatta. „Þessi ríkisstjórn hefur kostað venjulegar fjölskyldur í landinu mikið fé. Komum til móts við fólkið, lækkum skatta. Við munum einnig lækka bensínskattinn. Við ætlum að tryggja það að fólk ráði betur við reikningana um hver mánaðamót,“ sagði hún ennfremur og sagði svo að lokum:

Mig langar til að hvetja ykkur til að fara út um allt samfélag og tala fyrir hugsjónum okkar. Talið fyrir voninni. Talið fyrir Íslandi. Þetta eru síðustu mánaðamótin þarsem almenningur veit ekkert hvað tekur við. Síðasti mánuðurinn þarsem eru endalaus átök um eitthvað sem skiptir engu máli. Förum saman í þennan leiðangur, tökum slaginn fyrir Ísland einsog sjálfstæðisfólk eitt getur gert.

Hér að neðan má sjá upptöku af fundinum á Hótel Nordica.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Stjórn Alþjóða gjaldeyrissjóðsins gefur Íslandi háa einkunn

Stjórn Alþjóða gjaldeyrissjóðsins IMF fagnar frammistöðu íslenska hagkerfisins þar sem saman fari mikill hagvöxtur, lág verðbólga, uppbygging gjaldeyrisforða, afgangur á afkomu hins opinbera og á viðskiptajöfnuði, ásamt lækkandi skuldabyrði hins opinbera. Traust tök á hagstjórninni og uppgangur í ferðaþjónustu síðustu misserin hafi stuðlað að þessari hagfelldu þróun. Sendinefnd á vegum Alþjóðagjaldeyrissjóðsins var hér á landi […]

Ekki pólitískt gerlegt að ganga í Evrópusambandið og taka upp evru

Benedikt Jóhannesson fjármálaráðherra segir að ef ekki væri fyrir Viðreisn væri enginn að skoða breytta peningastefnu. Enginn stjórnmálaflokkur tali nú gegn stöðugra gengi og hans flokkur sé eini flokkurinn sem hafi bent á aðra leið en að skipta um gjaldmiðil til að ná því. Í viðtali við Kjarnann í dag segir fjármálaráðherra að hann myndi […]

„Engin dæmi um að ríkisstjórn sé komin niður í þriðjungs fylgi eftir hálft ár“

Í nýjustu skoðanakönnun MMR mælist ríkisstjórnin með 30,3% fylgi. Stjórnin var mynduð um miðjan janúar og hefur því nú starfað í rúmt hálft ár. Sjálfstæðisflokkur Bjarna Benediktssonar mælist sem fyrr stærsti flokkur landsins en ef kosið yrði í dag yrði mjög tvísýnt hvort Viðreisn Benedikts Jóhannessonar og Björt Framtíð Óttars Proppé næðu inn á þing. […]

Bónus og Krónan eru íslenskum neytendum mikilvægari en Costco

Í dag er einn mánuður liðinn frá opnun verslunar Costco í Kauptúni. Costco hefur vægast sagt fengið góð viðbrögð hjá íslenskum neytendum en nýleg könnun MMR leiddi í ljós að nærri helmingur landsmanna 18 og eldri væri búinn að fara í Costco. Síðasta sumar kom út skýrsla ráðgjafarfyrirtækisins Zenter sem sagði að Costco myndi hafa […]

Forstjóri N1 segir Costco „markaðssnillinga“: „Íslenska brjálæðið“

Eggert Þór Kristófersson forstjóri N1 segist ekki hafa áhyggjur af innkomu Costco á íslenskan eldsneytismarkað, sagan hafi kennt að nýjungar á markaði séu mjög vinsælar fyrst um sinn en svo dragist það saman. Í helgarblaði DV sem kom út í dag er rætt við forstjóra íslensku olíufélaganna sem segjast ekki hafa miklar áhyggjur af þessum […]

Benedikt sannfærður um stuðning almennings: „Þess vegna hef ég lýst yfir stríði á hendur skattsvikum“

Benedikt Jóhannesson fjármála- og efnahagsráðherra segist sannfærður um að almenningur styðji stríð hans gegn skattsvikurum. Meðal tillagna í skýrslu starfshóps ráðherra sem kynnt var í gær var að draga úr noktun peningaseðla og taka 10.000 króna og 5.000 króna seðla úr umferð, þar að auki verði sett hámarksupphæð á vörur og þjónustu sem má kaupa […]

Hætta talin á frekari berghlaupum í Grænlandi: Söfnun hafin til aðstoðar Grænlendingum

Vegna hafíss og lélegs skyggnis hefur leit verið hætt í bili að þeim fjórum sem saknað er frá þorpinu Nuugaatsiaq. Talin er veruleg hætta á frekari risaberghlaupum úr fjallshlíðum sem ganga í sjó fram við Karrat-Ísfjörðinn þar sem berghlaup varð á laugardagskvöld. Grannt er fylgst með fjallshlíðunum og fólk í viðbragðsstöðu því berghlaupin gætu hæglega […]

Hæstiréttur: Sérstakt veiðigjald er skattur

Vinnslustöðin hf. í Vestmannaeyjum sótti á árinu 2016 mál gegn íslenskra ríkinu vegna ágreinings um sérstakt veiðigjald. Ágreiningur aðila laut að því hvort Vinnslustöðin ætti rétt á endurgreiðslu sérstaks veiðigjalds, sem lagt hafði verið á vegna aflaheimilda og landaðs afla skipa fyrirtækisins fiskveiðiárið 2012/2013 og íslenska ríkið hafði innheimt hjá Vinnustöðinni á grundvelli laga nr. […]

Þingmenn Pírata og Sjálfstæðisflokks á einu máli: „Galið“

Þingmenn Pírata og Sjálfstæðisflokks, þeir Smári McCarthy og Teitur Björn Einarsson, eru sammála um að hugmynd Benedikts Jóhannessonar fjármála- og efnahagsráðherra um að leggja 10.000 og 5.000 króna peningaseðlum sé röng og galin. Segir Teitur Björn að besta ráðið gegn skattsvikum sé að hafa skatta lága og skattkerfið gegnsætt og skilvirkt. Meðal tillagna í skýrslu […]

Hagfræðingar ánægðir: Gott mál að taka seðlana úr umferð

Jón Steinsson hagfræðingur segir mjög gott mál að taka 5.000 og 10.000 króna seðlana úr umferð, undir það tekur Gylfi Magnússon fyrrverandi viðskiptaráðherra. Ákvörðun Benedikts Jóhannessonar fjármála- og efnahagsráðherra um að taka seðlana úr umferð á næstunni hefur vakið hörð viðbrögð, segir Egill Helgason að þetta sé „einhver fávitalegasta efnahagsaðgerð sem maður hefur heyrt um“ […]

„Ógeðsleg árás á alþýðu þessa lands“

„Þegar þú kaupir vöru með korti debet eða kreditkorti greiðir seljandinn 0,4-3,9% til kortafyrirtækisins sem gefur út kortið. Sem sagt af hverjum 1000 krónum sem þú eyðir á kortið þitt fær Borgun og Kreditkort 4 – 39 krónur. Fjármálaráðherra er með þessari aðgerð að auka tekjur kortafyrirtækjana og banka umtalsvert. Ég læt alveg ósagt hversu […]

10 og 5 þúsund króna seðlarnir verði teknir úr umferð: „Við lýsum bókstaflega yfir stríði gegn skattsvikum“

Benedikt Jóhannesson fjármála- og efnahagsráðherra segir skattsvikurum stríð á hendur, einn liður í því er að taka 10.000 króna seðilinn úr umferð. Benedikt sagði á blaðamannafundi í ráðuneytinu í morgun að í kjölfar upplýsinga úr Panamaskjölunum hafi aukist meðvitund um að undanskotum væri beitt með markvissum hætti til að komast undan skattskyldu, í janúar var […]

Skipalest heimsækir Hvalfjörð á morgun– fórna Íshafsskipalestanna til Sovétríkjanna minnst

Í fyrramálið, föstudagmorgun, mun skipalest fimm herskipa og kafbáts undir forystu varðskipsins Týs sigla inn Hvalfjörð og á gamla herskipalægið við Hvítanes. Þar verður haldin minningarathöfn og blómsveig varpað í fjörðinn. Þetta er gert til að minnast skipalestasiglinganna milli Hvalfjarðar og Norðvestur-Rússlands í seinni heimsstyrjöld. Þetta voru hinar svokölluðu Íshafsskipalestir. Einnig er viðburðurinn til að minnast […]

Arnþrúður hjólar í Jón Trausta og Stundina – Búrkan var útivistarfatnaður

Arnþrúður Karlsdóttir útvarpsstjóri Útvarps Sögu segist vona að Jón Trausti Reynisson ritstjóri Stundarinnar hafi lært eitthvað af dómi héraðsdóms og láti það vera að níða niður fólk með aðrar  lífsskoðanir. Í harðorðuðum pistli sem Arnþrúður birtir á Fésbókarsíðu sinni ræðir hún dóm Héraðsdóms Reykjavíkur sem sektaði Stundina um 200 þúsund krónur fyrir að nota 15 […]

Eyjan Miðlar ehf. - Kringlunni 4-12, 103 Reykjavík - eyjan (hjá) eyjan.is