Fimmtudagur 27.11.2014 - 14:34 - Ummæli ()

Stjórnarliðar bera fyrir sig bók Össurar

Bjarni Benediktsson, fjármálaráðherra, í umræðum á Alþingi í dag. Eyjan/Presphotos.biz

Bjarni Benediktsson, fjármálaráðherra, í umræðum á Alþingi í dag. Eyjan/Presphotos.biz

Stjórnarandstaðan á þingi segir meirihlutann hafa kastað stríðshanska inn í þingið með breytingartillögu um virkjanakosti. Stjórnarliðar báru fyrir sig frásögn í bók Össurar Skarphéðinssonar um hrossakaup á síðasta kjörtímabili.

Fyrir þinginu liggur þingsályktunartillaga um að Hvammsvirkjun verði færð úr biðflokki rammaáætlunar yfir í nýtingarflokk. Á milli umræðna lagði meirihluti atvinnuveganefndar fram tillögu sem kveður á um að átta virkjanakostir til viðbótar verði færðir í nýtingarflokk.

Harðar deilur blossuðu upp í umræðum á þingi í morgun þegar þessi tillaga lá fyrir og sökuðu stjórnarandstæðingar meirihlutann um að rjúfa áratuga sátt um málið. Sérstaklega gagnrýndu þeir að einungis væri gefin vika til að senda inn umsagnir við tillöguna og bentu á að þegar lög um rammaáætlun voru samþykkt á síðasta kjörtímabili hafi verið veittar 12 vikur til umsagnar. Þá sögðu þeir að með þessu væri verið að sniðganga verkefnastjórn sem hafi ekki treyst sér til að leggja mat á þessa átta kosti án frekari rannsókna.

Össur CoverÁrni Páll Árnason, formaður Samfylkingarinnar, sagði ótrúlegt að fylgjast með valdníðslu þessarar ríkisstjórnar og fór fram á að forseti þingsins gripi inn í þingið.

Bjarni Benediktsson, fjármálaráðherra, sagði athyglisvert að sjá stór orð falla af vörum stjórnarandstæðinga sem augljóslega höfðu ekki lesið bók Össurar Skarphéðinssonar sem kom út í fyrra. Þar hafi því verið lýst hvernig þetta mál varð andlag hrossakaupa í tengslum við ESB-málið. Það hafi verið „svakalegur lestur“.

Katrín Jakobsdóttir sagði dapurlegt að heyra fjármálaráðherra taka upp söguskoðun eins manns og lýsa þeim sem staðreyndum á sama tíma og það liggja fyrir þingskjöl sem lýsa staðreyndum um málið.

Róbert Marshall, Bjartri framtíð, sagði það einkennilegt að í gær hafi umhverfisnefnd afgreitt álit sem fól í sér um færslu Hvammsvirkjunar á milli flokka. Degi síðar sé tilkynnt að það eigi að bæta við átta kostum. Ráðlagði Róbert Bjarna að lesa frekar samstarfsyfirlýsingu ríkisstjórnarinnar þar sem segir að hverfa eigi frá leið deilna og hjaðningavíga í íslenskum stjórnmálum og þess í stað að viðhafa vönduð vinnubröð og leita sátta. Í ljós hafi komið að það sé bara kjaftæði sem standi í plaggi ríkisstjórnarinnar.

Katrín Júlíusdóttir sagði greinilegt að þarna á ferð væri ríkisstjórnarinnar en ekki einkaflipp formanns atvinnuveganefndar.

Þetta er allt á eina bókina lært með þessa ríkisstjórn. Faglegum sjónarmiðum er ýtt til hliðar og sjónarmiðið „ég á þetta, ég má þetta“ hefur tekið við á öllum sviðum okkar samfélags.

Steingrímur J. Sigfússon sagði þessa tillögu stríðshanska á svið umhverfismála. Verið væri að ómerkja verkefnisstjórnina og slíta friðinn fullkomlega í sundur. Nú hafi komið í ljós hvers vegna þessu máli hafi verið troðið inn í atvinnuveganefnd.

Jón Gunnarsson, formaður atvinnuveganefndar, sagði sáttina hafa verið rofna á síðasta kjörtímabili og vitnaði í bók Össurar sem hafi lýst hávaðafundum út af þessu máli. Illugi Gunnarsson, menntamálaráðherra, vitnaði sömuleiðis í téða bók og sagði að þeir sem stóðu að samkomulagi á milli flokkanna í síðustu ríkisstjórn ættu að fara varlega í ummælum sínum um þetta mál.

Svandís Svavarsdóttir, sem var umhverfisráðherra á síðasta kjörtímabili, sagði breytingartillöguna „mjög afgerandi stríðsyfirlýsingu“. Verði hún samþykkt sé allt landið, frá fjalli til fjöru, eins og það leggur sig í nýtingarflokki. Kallaði hún eftir afstöðu Framsóknarflokksins í málinu.

Gunnar Bragi Sveinsson, utanríkisráðherra, svaraði kallinu og sagði bók Össurar hafa staðfest að rammáætlun síðustu ríkisstjórnarinnar væru pólitísk hrossakaup. Hins vegar væri ekkert því til fyrirstöðu að lengja umsagnarfrestinn væri þörf á því og bætti hann við að málið hafi aldrei verið rætt í ríkisstjórn.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Rússnesk rúlletta á Reykjanesbrautinni

Þórólfur Júlían Dagsson ritar: Það er þyngra en tárum taki að baráttunni um betri vegasamgöngur frá Reykjanesbæ um Reykjanesbraut sé enn ekki lokið. Allt of margir hafa lent í alvarlegum umferðarslysum á þessum vegarkafla milli Reykjavíkur og Reykjanesbæjar og allt of margir hafa hreinlega látið lífið. Við þetta verður ekki unað. Barátta bæjarbúa á sýnum […]

Guðlaugur Þór gaf Íslendingasögurnar í sænskri þýðingu

Guðlaugur Þór Þórðarson, utanríkisráðherra, afhenti Alice Bah Kunke, menningarmálaráðherra Svíþjóðar, til gjafar Íslendingasögurnar í sænskri þýðingu við hátíðlega athöfn í Uppsölum í dag. Í ræðu sinni rakti ráðherra sagnaarfinn og þýðingu Íslendingasagnanna enn þann dag í dag. „“Ber er hver að baki nema bróður sér eigi“, segir í sögnunum og er þar vísað til vopnaðra […]

Ríkisstjórnin lýsir yfir vantrausti á kjararáð- Myndar starfshóp um „breytt fyrirkomulag“ og „úrbætur“

Ríkisstjórnin hefur skipað starfshóp um kjararáð, í samráði við „heildarsamtök á vinnumarkaði“, líkt og segir í tilkynningu frá forsætisráðuneytinu. „Hópurinn skal bera saman fyrirkomulag um ákvörðun launa hjá kjörnum fulltrúum, dómurum og embættismönnum í nágrannalöndum og leggja fram tillögur að breyttu fyrirkomulagi launaákvarðana kjararáðs, sé annað fyrirkomulag talið líklegra til betri sáttar í þjóðfélaginu til […]

Gunnar Atli ráðinn aðstoðarmaður Kristjans Þórs

Kristján Þór Júlíusson, sjávarútvegs- og landbúnaðarráðherra, hefur ráðið Gunnar Atla Gunnarsson sem aðstoðarmann sinn. Hann hefur störf í ráðuneytinu í dag. Kristján Þór mun þar með hafa tvo aðstoðarmenn en fyrir er Inga Hrefna Sveinbjarnardóttir sem er sem stendur í fæðingarorlofi. Gunnar Atli er stúdent frá Menntaskólanum á Ísafirði, með Mag. Jur. í lögfræði frá […]

Vilhjálmur Bjarnason: „Borgin stundar mikinn fjandskap við íbúa sína“

Vilhjálmur Bjarnason, frambjóðandi í leiðtogakjöri Sjálfstæðisflokksins fyrir næstu borgarstjórnarkosningar, skrifar grein í Morgunblaðið í dag, hvar hann fer yfir helstu hugðarefni sín í borgarmálunum. Eru þar húsnæðis- og velferðarmál ofarlega á baugi, en athygli vekur að Vilhjálmur minnist lítið sem ekkert á samgöngumál eða borgarlínu, en hann hefur þó áður lýst yfir efasemdum um hana, […]

Strætó að eldast – Um helmingur 10 ára eða eldri

Samgöngumál borgarinnar eru nú í brennidepli, þegar styttist í sveitastjórnarkosningar. Ljóst er að samgöngumál verða eitt af stóru kosningamálunum, ekki síst almenningssamgöngur, þar sem Borgarlínan hefur verið í forgrunni. En hvernig stendur Strætó ? Samkvæmt Jóhannesi Rúnarssyni, framkvæmdarstjóra Strætó, eru 49 af 95 strætisvögnum fyrirtækisins 10 ára eða meira og eru tveir þeirra 18 ára […]

Borgin úthlutaði lóðum fyrir 1711 íbúðir árið 2017

Alls voru samþykktar lóðaúthlutanir fyrir 1.711 íbúðir í borgarráði á síðasta ári. Mikill meirihluti úthlutaðra lóða var fyrir byggingarfélög sem starfa án hagnaðarsjónarmiða. Borgarráð fékk kynningu á úthlutunum lóða á fundi sínum í gær. Þetta kemur fram í tilkynningu frá borginni. Úthlutað var lóðum fyrir 1.711 íbúðir í borgarráði í fyrra. Af þeim eru 1.422 […]

Forsætisráðherra í heimsóknarhug

Katrín Jakobsdóttir forsætisráðherra var á faraldsfæti í gær, en hún heimsótti bæði umboðsmann barna og Seðlabankann. Umboðsmaður barna, Salvör Nordal, gerði Katrínu grein fyrir stefnumótun og áherslum embættisins fyrir tímabilið 2018 til 2022. Fram kom að embættið telur brýnt að efla stefnumótun á mörgum sviðum sem tengjast börnum. Grunnur að því sé greining á stöðu […]

Þórir Guðmundsson ráðinn fréttastjóri Stöðvar 2, Bylgjunnar og Vísis

Þórir Guðmundsson hefur verið ráðinn fréttastjóri Stöðvar 2, Bylgjunnar og vísir.is. Þetta kemur fram í tilkynningu frá Vodafone. Þórir er með meistaragráðu í alþjóðlegum samskiptum frá Boston University og B.A. gráðu í Blaða- og fréttamennsku frá University of Kansas. Þórir starfaði sem fréttamaður á fréttastofu Stöðvar 2, fyrst á árunum 1986 til 1999 og svo […]

Dauðans alvara – eftir Jón Pál Hreinsson og Pétur G. Markan

Þegar þessi orð eru skrifuð hefur einangrun Djúpsins verið viðvarandi frá laugardagskvöldi 13. janúar. Hvað þýðir það í nútímasamfélagi? Frá 13. janúar hafa allir vegir verið lokaðir til svæðisins, vegna ófærðar og snjóflóða, og flugsamgöngur verið stopular til landshlutans, vegna óhagstæðra vinda. Tvær megin orsakir eru til grundvallar þessari eingangrun; erfitt flugvallarstæði á Ísafirði og […]

ESB ræðst gegn plastmengun: Meira af plasti en fiski í sjónum árið 2050 með sama áframhaldi

Samkvæmt nýrri áætlun Evrópusambandsins verða allar plastumbúðir gerðar úr endurvinnanlegu efni fyrir árið 2030, dregið verður verulega úr notkun einnota plasts og skorður settar við notkun örplasts. Áætlun Evrópusambandsins til að bregðast við plastmengun er ætlað að vernda náttúruna, verja íbúana og styrkja fyrirtækin. Áætlunin er sú fyrsta sinnar tegundar og á að stuðla að […]

Stefnt að opnun neyslurýma fyrir vímuefnaneytendur

Svandís Svavarsdóttir heilbrigðisráðherra hefur sett af stað vinnu í velferðarráðuneytinu til að undirbúa opnun neyslurýma fyrir langt leidda vímuefnaneytendur. Neyslurými sem þessi eru þekkt úrræði erlendis og byggjast á hugmyndafræði skaðaminnkunar. Alþingi samþykkti í maí árið 2014 ályktun um að stefna í vímuefnamálum skyldi endurskoðuð „á grundvelli lausnamiðaðra og mannúðlegra úrræða, á forsendum heilbrigðiskerfisins og […]

Arnar Þór Sævarsson verður aðstoðarmaður félags- og jafnréttismálaráðherra

Ásmundur Einar Daðason félags- og jafnréttismálaráðherra hefur ráðið Arnar Þór Sævarsson, fráfarandi sveitarstjóra á Blönduósi aðstoðarmann sinn í velferðarráðuneytinu. Arnar Þór útskrifaðist úr lögfræði frá Háskóla Íslands árið 1999 og tók ári síðar réttindi til að gegna lögmennsku. Hann hefur gegnt stöðu sveitarstjóra á Blönduósi frá árinu 2007. Áður var hann aðstoðarmaður Jóns Sigurðssonar, þáverandi […]

Virtur læknir óttast að Trump fái hjartaáfall-Mældist með hættulega hátt kólesteról

Donald Trump Bandaríkjaforseti var sagður við hestaheilsu í reglubundinni læknisskoðun sinni á dögunum, þegar hann var skoðaður af lækni Hvíta hússins, Dr. Ronny L. Jackson. Sagði læknirinn að hjarta- og æðakerfi Trumps væri í fínu standi, þrátt fyrir að LDL kólesteról magnið mældist 143, sem er langt yfir viðmiðunarmörkum. LDL kólesteról er gjarnan nefnt „vonda“ […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is