Sunnudagur 24.01.2016 - 20:40 - Ummæli ()

Jón Baldvin: Skiptir mig engu máli hvað verður um Samfylkinguna ef hún hefur týnt erindinu

jón baldvin eyjanJón Baldvin Hannibalsson fyrrverandi utanríkisráðherra og fyrrverandi formaður Alþýðuflokksins var gestur Björns Inga Hrafnssonar í sjónvarpsþættinum Eyjunni sem sýndur er á Stöð 2. Ýmislegt bar á góma og ræddi Jón Baldvin meðal annars um Heimildarmyndina Þeir sem þora sem fjallar um þá margfrægu ákvörðun Íslendinga að viðurkenna sjálfstæði eystrasaltsþjóðanna. Þá var einnig rætt um stöðu Árna Páls formanns Samfylkingarinnar og flokksins sjálfs sem Styrmir Gunnarsson, fyrrverandi ritstjóri Morgunblaðsins, segir að muni þurrkast endanlega út á þessu ári.

Iðulega er talað um Jón Baldvin sem andlegan leiðtoga jafnaðarmanna á Íslandi. Hann viðurkenndi að jafnaðarmenn ættu afar erfitt um þessar mundir. Samfylkingin mælist með sögulega lágt fylgi og hefur verið gagnrýnt að formaðurinn sitji sem fastast. Jón Baldin segir að hann vilji horfa á hlutina í stærra samhengi og segir að jafnaðarmenn eigi víða í vandræðum og sé ekki aðeins bundið við Ísland.

Björn Ingi spurði þá hvernig stæði á því að Árni Páll ætti ekki hljómgrunn á meðal þjóðarinnar?

Það er svo stórt mál að það er áreiðanlega ekki spurning um persónu núverandi formanns út af fyrir sig. Það er eitthvað mikið meira að.

Hvernig finnst þér þetta sem fyrrverandi formaður?

„Ég er raunsær maður og horfi á staðreyndir og tek mark á staðreyndum. Samfylkingin er í djúpri tilvistarkreppu. Af hverju? Hún galt afhroð eftir að hafa verið í ríkisstjórn í fjögur ár. Sumt af því sem gerðist í þeirri ríkisstjórn var jákvætt. Þeir voru að hreinsa upp skítinn eftir aðra sem höfðu hrint lýðveldinu fyrir björg. Þeir voru að taka við hruni og hreinsa til.“

Jón Baldvin bætti við:

Kjarni málsins er sá að þeim mistókst hrapalega í stórum málum. Sjálfstæðisflokkurinn samkvæmt síðustu skoðanakönnun, sem var þjóðarflokkur og sameiningarflokkur til hægri með 35 til 40%, er kominn í fyrsta sinn í sögu sinni samkvæmt skoðanakönnun niður fyrir 20%. Það eru gríðarleg tíðindi. Síðan gerist það að hreyfing sem kennd er við Pírata hefur þurrkað þennan flokk út meðal yngra kjósenda og er í 40% fylgi.

Björn Ingi benti þá á að Píratar væru helst að taka fylgi af Samfylkingunni og Bjartri framtíð sem myndi ekki ná manni á þing ef gengið yrði til kosninga nú.

Nú er þetta fugl í skógi en ekki í hendi. Við höfum áður séð að það hafi myndast hreyfingar sem fá fljótt start en hrynja svo þegar nær dregur kosningum.

Aðspurður hvort Píratar gætu mögulega náð slíku fylgi í kosningum svaraði Jón Baldvin:

„Við erum ekki á venjulegum tímum. Við erum uppi á mjög óvenjulegum tímum. Ég held að lykillinn á skilningi á þessu sé þessi: Það eru fáein stór mál, mjög stór mál í íslensku samfélagi nú eftir hrun sem eru þess eðlis að meirihluti þjóðarinnar, meirihluti almennings, telur það mikið sanngirnismál að ná þeim fram en kerfið hefur þvælst á móti. Þetta eru aðallega fjögur mál. Það er ný stjórnarskrá um mannréttindi. Það er jafn atkvæðisréttur. Það er þjóðaratkvæði í höndum minnihluta þingmanna og tiltekins fjölda kjósenda. Og það er að koma ákvæðunum um þjóðareign á auðlindum inn í stjórnarskrá með varanlegum hætti og tryggja að arður af auðlindum renni til þjóðarinnar með réttmætum hætti.“

Jón Baldvin bætti við að Píratar væru smám saman að taka upp þessi mál. Þeirra stefna væri að einblína á stór sameinandi mál.

Einn kunningi minn sagði við mig í umræðu um þetta um daginn: „Ætli vinstrið geti nú loksins lært af hægrinu þennan hlut, að sameinast um fá óumdeilt stór mál með breitt fylgi en láta minniháttar ágreiningsmál liggja á milli hluta. Keyra á þessi fáu mál. Hver verður hluti Samfylkingarinnar í því er algjört aukaatriði.

Björn vitnaði þá í Styrmi Gunnarsson fyrrverandi ritstjóra sem sagði að Samfylkingin myndi deyja á því herrans ári 2016.

„Deyi hún þá drottni sínum ef hún hefur týnt erindinu. Ef hún á ekkert erindi, þá skiptir mig engu máli hvað verður um Samfylkinguna eða Vinstri græn sem slík. Það sem skiptir máli núna er að ná inn á miðjuna. Ná því að vinstrið sameinist um þessi stóru mál, grundvallarbreytingar á íslensku þjóðfélagi til hins betra. Ef það gerist undir stjórn einhverja sem kalla sig Pírata þá bara óska ég þeim velfarnaðar.“

Björn spurði þá hvort Píratar gætu verið arftaki breiðfylkingar vinstramegin

Ég held að það segi sig sjálft að þeir sem ætla að breyta þessu þjóðfélagi og vilja leggja eitthvað í sölurnar fyrir það þeir verða að taka höndum saman um það að ná fram breiðfylkingu um þessi stóru umbótarmál.

Loka spurning Björn til Jóns Baldvins var svo þessi: Myndir þú kjósa Pírata?

„Myndi ég? Ef það er skýrt að þeir ætla sér að gera það sem gera þarf til að ná fram þessari breiðfylkingu um þessi stóru mál.“

 

«
»

Ummæli ()


Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

BSRB segir ákvörðun kjararáðs andstæða rammasamkomulagi aðila vinnumarkaðarins

BSRB segir ákvörðun kjararáðs um hækkun launa ganga þvert gegn rammasamkomulegi aðila vinnumarkaðarins. Verið sé að draga út afmarkaðan hóp hálaunafólks og hækka laun þess langt umfram það sem aðrir hópar launafólks í landinu hafi fengið. Mótmælir bandalagið ákvörðun ráðsins því harðlega. Þetta kemur fram í tilkynningu frá bandalaginu. Þar segir að rökstuðningur kjararáðs fyrir […]

Stjórnmálafræðiprófessor segir brotthvarf Helga Hrafns slæmar fréttir fyrir Pírata

Gunnar Helgi Kristinsson, stjórnmálafræðiprófessor við Háskóla Íslands segir að brotthvarf Helga Hrafns Gunnarssonar, kapteins Pírata, muni veikja flokkinn. Helgi Hrafn hafi verið hvað sterkastur talsmanna Pírata og ákvörðun hans um að gefa ekki kost á sér til þingmennsku í haust hljóti því að vera fremur slæmar fréttir fyrir Pírata. Helgi Hrafn gaf það út í […]

Fjölgar í hópi forstjóra með yfir 3 milljónir á mánuði

Laun 200 tekjuhæstu forstjóranna á Íslandi hækkuðu um 8,3 prósent á milli ára. Það er innan við hækkun launavísitölunnar sem hækkaði um 9,7 prósent. Það fjölgar í hópi þeirra forstjóra sem hafa yfir 3 milljónir króna á mánuði. Þetta er á meðal þess sem fram kemur í tekjublaði Frjálsrar verslunar. Þar kemur fram að launatekjur […]

Boris Johnson var svikinn af nánum samstarfsmanni og sækist því ekki eftir að verða forsætisráðherra

Það kom mjög á óvart þegar Boris Johnson, fyrrum borgarstjóri Lundúna, tilkynnti í gær að hann sækist ekki eftir að verða formaður Íhaldsflokksins og forsætisráðherra. Johnson hafði verið einn helsti stuðningsmaður Brexit og var talinn mjög líklegur til að taka við lyklavöldunum að Downingstræti 10 eftir að David Cameron tilkynnti afsögn sína. En aðeins nokkrum […]

Gunnar Hrafn segir upp á RÚV og gengur til liðs við Pírata

Gunnar Hrafn Jónsson, fréttamaður á RÚV til margra ára, hefur sagt upp starfi sínu á Ríkisútvarpinu. Hann ætlar að hella sér í kosningabaráttu með Pírötum, en hefur ekki tekið ákvörðun hvort það felist í að bjóða sig fram í prófkjöri eða starfa með öðrum hætti innan flokksins. Gunnar Hrafn, sem er stjúpsonur Jóhönnu Sigurðardóttur fyrrverandi […]

Ójöfnuður jókst ekki á milli áranna 2014 til 2015: Yngsti aldurshópurinn dregst aftur úr

Mælingar Hagstofu Íslands benda ekki til þess að ójöfnuður hér á landi hafi aukist. Sömu mælingar sýna hins vegar að staða yngra fólks er mun lakari nú en hún var fyrir rúmum áratug. Á sama tíma batna kjör eldri aldurshópa. Hagstofan skoðaði breytingar á dreifingu ráðstöfunartekna á milli áranna 2014 og 2015, en tölurnar miða […]

Ritari Sjálfstæðisflokksins vill fækka þingmönnum

Áslaug Arna Sigurbjörnsdóttir, ritari Sjálfstæðisflokksins, hefur ákveðið að gefa kost á sér í prófkjöri flokksins fyrir komandi alþingiskosningar í haust. Hún vill að þingmönnum verði fækkað. Áslaug Arna greinir frá þessu í föstudagsviðtali Fréttablaðsins. Þar segir hún að mikilvægt sé að ungt fólk eigi sér málsvara og þá á þingi ekki síður en annars staðar. […]

Forsetakosningar í Austurríki dæmdar ólögmætar

Forsetakosningarnar í Austurríki hafa verið dæmdar ólögmætar og verður að kjósa á nýjan leik vegna þess. Stjórnlagadómstóll Austurríkis hefur komist þessari niðurstöðu en aðeins er vika þar til Alexander Van der Bellen, sem sigraði naumlega í kosningunum, hefði átt að taka við embætti. Breska blaðið Guardian greinir frá þessu. Forseti dómstólsins tilkynnti í dag að […]

Samtök hernaðarandstæðinga segja Bandaríkin hafa fengið opinn tékka til aukinni hernaðarumsvifa á Íslandi

Sameiginleg yfirlýsing íslenskra og bandarískra stjórnvalda um samstarf á sviði varnarmála virðist gefa bandarískum hermálayfirvöldum opinn tékk til aukinna herðnaðarumsvifa á og við Ísland. Þetta segir Auður Lilja Erlingsdóttir, formaður Samtaka hernaðarandstæðinga. Yfirlýsinging beri þess skýr merki að íslensk stjórnvöld vilji frekari viðveru Bandaríkjahers hér á landi. Auður Lilja gagnrýnir þá tímasetningu yfirlýsingunnar, vísvitandi sé […]

Helgi Hrafn ætlar ekki í þingframboð fyrir Pírata

Helgi Hrafn Gunnarsson, þingmaður Pírata í Reykjavíkurkjördæmi norður, hefur ákveðið að bjóða sig ekki fram í komandi Alþingiskosningum í haust, heldur leggja krafta sína í grasrótarstarf Pírata á næsta kjörtímabili. Ákvörðunin kemur vafalaust mörgum í opna skjöldu enga Helgi aðeins verið eitt kjörtímabil á þingi og er það samdóma álit margra að hann hafi staðið […]

Byssueigendum fækkar á sama tíma og sala á skotvopnum er í sögulegu hámarki

Ný könnun sýnir að byssueigendum í Bandaríkjunum fer ört fækkandi. Á sama tíma er sala á skotvopnum í sögulegu hámarki sem bendir til þess að byssueigendur séu að birgja sig upp af vopnum. Samkvæmt könnun CBS fréttastofunnar eiga 36 prósent fullorðinna Bandaríkjamanna skotvopn eða búa á heimili þar sem skotvopn er til staðar. Hlutfall skotvopnaeigenda […]

Laun æðstu embættismanna hækka um allt að 40 prósent

Laun ráðuneytisstjóra hækka um allt að 40 prósent um næstu mánaðamót, samkvæmt ákvörðun kjararáðs. Laun skrifstofustjóra hækka um allt að 35 prósent. Launahækkunin er til komin vegna ákvörðunar kjararáðs sem tekin var fyrr í mánuðinum og tekur hún gildi  um mánaðamótin. Greint var frá þessu í kvöldfréttum RÚV. Samkvæmt úrskurðinum hækka laun skrifstofustjóra á bilinu […]

Obama hvetur leiðtoga ESB til að undirbúa brotthvarf Bretlands úr ESB

Barack Obama, Bandaríkjaforseti, hvetur leiðtoga ESB til að draga andann hægt og af yfirvegun í tengslum við Brexit og tryggja að brotthvarf Bretlands úr bandalaginu verði vel skipulagt og gegnsætt. Þetta sagði forsetinn í heimsókn sinni til Kanada í gær. Hann sagðist eiga von á að efnahagur heimsins verði stöðugur til skamms tíma í kjölfar […]

Skilaboð frá brasilísku lögreglunni fyrir ÓL: „Velkomin til helvítis“

„Velkomin til helvítis“ eru skilaboðin sem lögreglu- og slökkviliðsmenn færðu ferðamönnum við komuna til Rio de Janeiro.  Þeir segjast ekki geta ábyrgst öryggi ferðamanna sem heimsækja Ólympíuleikana í Rio. Margt hefur gengið á afturfótunum við undirbúning Ólympíuleikanna sem hefjast þann 5. ágúst. Bygging mannvirkja hefur dregist fram úr hófi og útbreiðsla Zika-veirunnar veldur mönnum áhyggjum, […]

Eyjan Miðlar ehf. - Kringlunni 4-12, Reykjavík - eyjan (hjá) eyjan.is