Föstudagur 29.01.2016 - 11:45 - Ummæli ()

Reykjavíkurborg getur ekki krafist svara um fjármögnun mosku

Moskan mun rísa í Sogamýri, við enda gömlu Suðurlandsbrautarinnar.

Moskan mun rísa í Sogamýri, við enda gömlu Suðurlandsbrautarinnar.

Engin lagaskylda hvílir á trúfélögum að upplýsa um hvernig staðið er að fjármögnun kirkjubygginga eða tilbeiðsluhúsa og því getur Reykjavíkurborg ekki krafið Félag múslima á Íslandi hvort fyrirhuguð moska í Safamýri verði fjármögnuð af stjórnvöldum í Sádí-Arabíu. Borgin hvetur hins vegar trúfélög til að gera grein fyrir fjármögnun slíkrar uppbyggingar.

Þetta kemur fram í svari borgarstjóra við fyrirspurn borgarráðsfulltra Sjálfstæðisflokks um fjármögnun byggingar mosku. Óskuðu borgarfulltrúarnir eftir greinargerð um bygginguna eftir að Dagur B. Eggertsson, borgarstjóri, sagði í fréttum að borgaryfirvöld myndu afla upplýsinga um fjármögnun erlendra aðila við byggingu moskunnar. Þetta sagði hann eftir að sendiherra Sádí Arabíu greindi forseta Íslands frá því að Sádar hyggðust styrkja byggingu moskunnar með 1 milljón dollara fjárframlagi.

Í svarinu kemur fram að Reykjavíkurborg hafi markað sér þá stefnu árið 1999 að ekki skuli gera upp á milli trúfélaga þegar kæmi að lóðaúthlutunum eða undanþágu frá gjaldtöku af lóðum eða tilbeiðsluhúsum trúfélaga. Vísar borgarstjóri í minnisblað borgarlögmanns þar sem segir:

„…verður því ekki séð að lagaskylda hvíli á trúfélögum að upplýsa um hvernig staðið er að fjármögnun kirkjubygginga eða tilbeiðsluhúsa“.

Er það mat borgarstjóra að vekja eigi athygli löggjafans [Alþingis] á þessari staðreynd og beina þeim tilmælum til allra trúfélaga að gera grein fyrir fjármögnun slíkrar byggingar.

Ekkert réttlætir ógildingu lóðaúthlutunar

Í minnisblaði borgarlögmanns frá október 2014  er það rakið að samkvæmt lögum um Kristnisjóð sé sveitarfélögum skylt að láta kirkjum þjóðkirkjunnar í té lóðir án endurgjalds. Þessi skylda er eingöngu bundin við þjóðkirkjuna en nær ekki til lóða undir kirkjur eða bænahús annarra trúfélaga, þótt hvergi segi í lögum að óheimilt sé að úthluta lóðum endurgjaldslaust til annarra trúfélaga. Eins og segir að ofan hefur Reykjavíkurborg haft þá stefnu síðan 1999 að gera ekki upp á milli trúfélaga í þessum efnum.

Í minnisblaðinu segir að úthlutun lóðarinnar í Sogamýri til Félags múslima á Íslandi hafi þegar átt sér stað, en lóðaúthlutun telst vera stjórnvaldsákvörðun. Til að afturkalla þá ákvörðun má hún ekki vera til tjóns fyrir aðila og er það mat borgarlögmannns að slík  ákvörðun myndi verða til tjóns fyrir Félag múslima á Íslandi.

Ákvörðun Reykjavíkurborgar um úthlutun lóðar til Félags múslima á Íslandi er með öllu í samræmi við lögmætisreglu og jafnræðisreglu íslensks réttar. Engin rök eru fyrir hendi sem réttlætt geta ógildingu hennar.

Sjálfstæðismenn segja engu svarað

Borgarfulltrúar Sjálfstæðisflokksins eru óhressir með svör borgarstjóra og segja að áleitnum spurningum hafi „engan veginn“ verið svarað. Borgarstjóri hafi ekki einu sinni óskað eftir því skriflega eftir því að Félag múslima á Íslandi, upplýsi um hvernig byggingin verði fjármögnuð.

Helst er að finna upplýsingar um málið í minnisblaði mannréttindaskrifstofu en þær eru þó allsendis ófullnægjandi. Í umræddu minnisblaði er vitnað í fjölmiðlaummæli fyrrverandi og núverandi formanns félagsins um málið. Samkvæmt þeim fullyrðir fyrrverandi formaður félagsins að ekki verði hægt að byggja mosku hérlendis án erlends fjármagns en núverandi formaður er bjartsýnn á að félagsmenn geti sjálfir staðið allan straum af byggingarkostnaði. Við gerum alvarlegar athugasemdir við það að upplýsingaöflun borgarinnar í þessu máli skuli ekki hvíla á formlegri upplýsingagjöf frá viðkomandi félagi heldur misvísandi ummælum í fjölmiðlum.

Borgarfulltrúar meirihlutans í borgarráðu bentu á móti á að meginatriði málsins sé að ekki sé lagastoð fyrir því að krefjast upplýsinga um fjármögnun kirkjubygginga eða annarra tilbeiðsluhúsa. Borgarráð hafi vakið athygli Alþingis á því auk þess sem þeim tilmælum hafi verið beint til trúfélaga að upplýsa um fjármögnun uppbyggingar sinnar.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Forsetakosningarnar í Frakklandi: Macron nær forystunni með stórborgaratkvæðum

Miðjumaðurinn Emmanuel Macron er nú með forystu þegar búið er að telja meira en 40 milljón atkvæði í fyrri umferð frönsku forsetakosninganna, alls eru 46,7 milljón Frakkar á kjörskrá. Marine Le Pen, frambjóðandi þjóðernissinna, var með forystu en er nú komin rúmu prósentustigi á eftir Macron nú þegar atkvæðin streyma inn úr stórborgum Frakklands, en […]

Forsetakosningarnar í Frakklandi: Marine Le Pen leiðir þegar 28 milljónir atkvæða hafa verið talin

Reuters-fréttastofan greinir frá því að Marine Le Pen hafi nú yfirhöndina yfir Emmanuel Macron í talningu atkvæða í fyrri umferð frönsku forsetakosninganna. Tölur frá franska innanríkisráðuneytinu sýni að þegar búið er að telja 28 milljónir atkvæða þá sé Marine Le Pen með 23,6 prósent. Emmanuel Macron er með 22,78 prósent. François Fillon frambjóðandi íhaldsins fær […]

Forsetakosningar í Frakklandi: Le Pen og Macron sigra fyrstu umferð

Fyrstu útgönguspár í forsetakosningunum í Frakklandi í dag benda til að Marine Le Pen og Emannuel Macron hafi hlotið flest atkvæði kjósenda. Le Pen er fulltrúi hægri þjóðernissinna en Macron er frambjóðandi miðjuaflanna. Kantar Sofres-fyrirtækið hefur gert útgönguspá fyrir TF1-fjölmiðalfyrirtækið. Þar eru bæði með 23 prósent atkvæða. Vinstrimaðurinn Jean Luc Mélenchon og íhaldsmaðurinn Francois Fillon […]

Formaður Framsóknar krefst umræðu um sölu Vífilsstaðalands við fjármálaráðherra

Sigurður Ingi Jóhannsson þingmaður og formaður Framsóknarflokksins og fyrrum forsætisráðherra hefur óskað eftir sérstakri umræðu á Alþingi við Benedikt Jóhannesson fjármálaráðherra, þingmann og formann Viðreisnar. Tilefnið er sala ríkisins (fjármálaráðherra) á Vífilsstaðalandinu svokallaða til Garðabæjar. Sigurður Ingi tilkynnir þetta á Fésbókarsíðu sinni í dag. Þar vísar hann til gamallar fréttar frá því í desember 2002 […]

Norður-Kórea bítur í skjaldarrendur: Hótar að sökkva flugmóðurskipi USA og gera kjarnorkuárás á Ástralíu

Engan bilbug virðist að finna á ráðamönnum í Norður-Kóreu. Nú lýsa þeir því yfir að herafli landsins sé reiðubúinn að sökkva bandaríska flugmóðurskipinu Carl Vinson. Það mun nú samkvæmt fréttum nálgast Kóreuskagann í fylgd bandarískra og japanskra tundurspilla. Að auki hóta Norður-Kóreumenn að gera kjarnorkuárás á Ástralíu haldi landið áfram að „fylgja stefnu Bandaríkjanna í […]

Mikil spenna í frönsku forsetakosningunum í dag

Frakkar ganga nú til fyrri umferðar forsetakosninga. Alls eru 11 frambóðendur í kjöri en sviðsljósið beinist mest að þeim fjórum sem talin eru eiga möguleika. Reglurnar eru þannig að þeir frambjóðendur sem skipta með sér tveimur efstu sætunum í fjölda atkvæða í dag, munu svo taka þátt í seinni umferðinni sem verður 7. maí. Þar […]

Kitti í Selinu og upphafið að Sjálfstæðu fólki

Einar Kárason rithöfundur skrifar: Það var fyrir meira en tuttugu árum að við aldavinur minn, Tómas R. Einarsson bassaleikari, tónskáld og bókmenntaþýðandi, vorum saman á ferðalagi með okkar fólki, en þá gengum við Tómas alllangan spöl út með Kvígindisfirði við norðanverðan Breiðafjörð til þess að skoða rústir lítils kots sem kom við sögu Halldórs Laxness […]

Vigdís: Íslenskan gæti endað í ruslinu – Svandís: Ef við bíðum verður það of seint

Vigdís Finnbogadóttir fyrrverandi forseti Íslands segir að íslenska tungumálið eigi undir högg að sækja og ef ekkert verði gert þá muni tungumálið enda í ruslinu með latínunni. Segir hún í samtali við AP-fréttaveituna að tungumál Íslendinga sé hætt komið vegna áhrifa enskunnar, það sé tungumál ferðamanna og raftækja. Ef ekkert verður að gert lendir íslenskan […]

Sif: Má ég þá biðja um fleiri kunnáttulausa ráðherra sem „finnst“

Sif Sigmarsdóttir pistlahöfundur Fréttablaðsins kemur Björt Ólafsdóttur umhverfis- og auðlindaráðherra til varnar í helgarblaði Fréttablaðsins í dag og biður hún um fleiri kunnáttulausa ráðherra sem „finnst“. Tekur hún nýlegt dæmi frá Bretlandi þar sem Sadiq Khan borgarstjóri Lundúna lýsti því yfir í byrjun mánaðarins að hann hygðist grípa til aðgerða til að minnka loftmengun í […]

Dr. Ólafur Ísleifsson: Líkir sölu Vífilsstaðalandsins við gjöf Reykjavíkurborgar á moskulóðinni í Sogamýri

Dr. Ólafur Ísleifsson hagfræðingur og Pétur Gunnlaugsson útvarpsmaður og lögmaður ræddu meðal annars um sölu ríkisins á Vífilsstaðalandinu svokallaða til Garðabæjar, í upphafi reglulegs föstudagssíðdegisþáttar þeirra á Útvarpi Sögu í gær. Eins og greint var frá á Eyjunni á fimmtudag, þá skrifuðu Bene­dikt Jó­hann­es­son fjár­málaráðherra og Gunn­ar Ein­ars­son, bæj­ar­stjóri Garðabæj­ar undir samning á sölu Vífilsstaðalandsins frá ríkinu til […]

Stórhættuleg stóriðja

Kolbrún Bergþórsdóttir skrifar: Það er ekkert einkennilegt við það að umhverfisráðherra sé andstæðingur stóriðju. Mun einkennilegra væri ef hann skilgreindi sig sem sérstakan talsmann hennar og reyndar teldist það saga til næsta bæjar. Það er auðvelt að hafa skilning á því að Björt Ólafsdóttir umhverfisráðherra hafi lýst því yfir að loka ætti kísilmálmverksmiðjunni í Helguvík […]

Ofsóknir gegn samkynhneigðum í Rússlandi – Beita sömu aðferðum og gegn hryðjuverkamönnum

Fórnarlömb ofsókna í Téteníu stíga nú fram og draga upp dökka mynd af ástandinu í þessu litla sjálfstjórnarlýðveldi í Kákasusfjöllunum. Nýlega var greint frá því að samkynhneigðum karlmönnum í rússneska lýðveldinu Téteníu væri varpað í fangabúðir. Þetta hefur vakið hörð viðbrögð víða um heim og hafa Sameinuðu Þjóðirnar og fleiri samtök lýst yfir þungum áhyggjum […]

Samkynheigð lögregluhetja féll í París

Franski lögreglumaðurinn sem féll í árás hryðjuverkamanns á Champs-Élysées breiðstrætinu í París í gærkvöldi hét Xavier Jugelé. Hann hefði orðið 38 ára gamall í byrjun maí. Jugelé var þekktur fyrir hugrekki sitt og bjó yfir mikilli reynslu. Franska Le Parisien skrifar að hann hafi verið í hópi þeirra lögreglumanna sem komu fyrstir á vettvang í […]

Vilja borgarbúa út að týna rusl

Reykjavíkurborg, borgarbúar, fyrirtæki, stofnanir og skólar taka þátt í Evrópskri hreinsunarviku þessa dagana, segir í fréttatilkyningu frá Reykjavíkurborg að þann dag sé gert ráð fyrir að íbúar tíni saman rusl á götum og í hverfum borgarinnar, og  getur hver og einn getur valið sér svæði til að hreinsa rusl. Eru borgarbúar eru hvattir til að […]

Eyjan Miðlar ehf. - Kringlunni 4-12, 103 Reykjavík - eyjan (hjá) eyjan.is