Mánudagur 01.02.2016 - 19:00 - Ummæli ()

Forkosningarnar í Bandaríkjunum: Þetta eru mikilvægustu dagarnir

Hillary Clinton, Donald Trump og Bernie Sanders.

Hillary Clinton, Donald Trump og Bernie Sanders.

Í dag hófust forkosningar Repúblikanaflokksins og Demókrataflokksins um hverjir verða frambjóðendur flokkanna til embættis forseta Bandaríkjanna í nóvember þegar kosið verður um eftirmann Barack Obama. Forkosningarnar taka langan tíma en sumar þykja þó mikilvægari en aðrar.

Nú beinast augu kjósenda og fjölmiðla að Iowa, litlu landbúnaðarríki í Miðvesturríkjunum. Þar hófust forkosningar í dag en þó í öðru formi en við Íslendingar eigum að venjast. Þar er eiginlega um uppstillingarfundi að ræða hjá flokksdeildum. Þangað geta kjósendur mætt og rætt um frambjóðendurna og komist að sameiginlegri niðurstöðu um hvern flokksdeildin styður.

1. febrúar er því mikilvægur dagur fyrir frambjóðendurna því þá hefjast forkosningarnar formlega. Þeir sem bera sigur úr býtum í Iowa geta haldið hnarreistir inn í áframhaldandi kosningabaráttu því sigur í Iowa þykir yfirleitt gefa góð fyrirheit um það sem koma skal. Þá sýnir tölfræðin að rúmlega helmingur þeirra frambjóðenda sem hafa sigrað í Iowa frá 1980 hafa hlotið útnefningu flokks síns til að vera forsetaframbjóðendur.

9. febrúar er einnig mjög mikilvægur dagur í forkosningunum en þá er kosið í New Hampshire. Þetta er lítið ríki með aðeins 1,3 milljónir íbúa en þrátt fyrir fólksfæðina hefur ríkið mikil áhrif á bandarísku forsetakosningarnar. Í ríkinu eru mörg óháð atkvæði því um þriðjungur þeirra sem hafa kosningarétt í ríkinu eru óháðir og því er sá hópur svipaður að stærð og stuðningsmenn Repúblikana og Demókrata.

Frambjóðendurnir geta því barist um mörg þúsund óháð atkvæði en það er ekki víða í Bandaríkjunum sem óháðir skipta svo miklu máli eins og raunin er í New Hampshire. Í New Hampshire er kosið með kjörseðlum og kjörkössum og stærir ríkið sig af því að vera fyrsta ríkið þar sem slík kosning fer fram í forvalinu.

En þrátt fyrir að New Hampshire skipti miklu máli þá þurfa sigurvegarar forkosninganna þar ekki að ganga að því sem vísu að þeir muni sigra í forvali síns flokks. Til dæmis urðu Bill Clinton, George W. Bush og Barack Obama í öðru sæti í ríkinu en voru að lokum kjörnir forsetar.

20. febrúar er dagurinn sem röðin kemur að Suðurríkjunum en þá verður kosið í Suður-Karólínu og reikna má með að þá verði Repúblikanar taugaóstyrkir. Sagan sýnir nefnilega að sá Repúblikani sem sigrar í Suður-Karólínu mun að öllum líkindum hljóta útnefningu sem forsetaframbjóðandi flokksins. Þetta hefur verið raunin frá 1980 nema einu sinni.

Danska ríkisútvarpið segir að Demókratar verði væntanlega öllu rólegri yfir forkosningunum í Suður-Karólínu en þær fara fram 27. febrúar hjá þeim.

1. mars verður ofur-þriðjudagur en þá verður kosið í 15 ríkjum, þar á meðal Texas, Colorado, Virginíu og Vermont. Það verður því mikið undir þennan dag og oft er hægt að fá góða vísbendingu um hverjir sigri forkosningar flokkanna eftir þennan dag.

Þessi dagur er talinn næst mikilvægasti dagurinn í baráttunni um forsetaembættið. Aðeins sjálfur kjördagurinn 8. nóvember er mikilvægari.

15. mars er einnig spennandi dagur í baráttunni en þá verður kosið í mörgum stórum ríkjum, til dæmis Flórída, Illinois og Ohio. Líklega mun mesta athyglin beinast að Flórída að þessu sinni en margir frambjóðenda Repúblikanaflokksins eru þaðan.

15. júní fara síðustu forkosningarnar fram í District of Columbia en þá kjósa Demókratar en vikurnar á undan verður meðal annars kosið í Kaliforníu og New York.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Rússnesk rúlletta á Reykjanesbrautinni

Þórólfur Júlían Dagsson ritar: Það er þyngra en tárum taki að baráttunni um betri vegasamgöngur frá Reykjanesbæ um Reykjanesbraut sé enn ekki lokið. Allt of margir hafa lent í alvarlegum umferðarslysum á þessum vegarkafla milli Reykjavíkur og Reykjanesbæjar og allt of margir hafa hreinlega látið lífið. Við þetta verður ekki unað. Barátta bæjarbúa á sýnum […]

Guðlaugur Þór gaf Íslendingasögurnar í sænskri þýðingu

Guðlaugur Þór Þórðarson, utanríkisráðherra, afhenti Alice Bah Kunke, menningarmálaráðherra Svíþjóðar, til gjafar Íslendingasögurnar í sænskri þýðingu við hátíðlega athöfn í Uppsölum í dag. Í ræðu sinni rakti ráðherra sagnaarfinn og þýðingu Íslendingasagnanna enn þann dag í dag. „“Ber er hver að baki nema bróður sér eigi“, segir í sögnunum og er þar vísað til vopnaðra […]

Ríkisstjórnin lýsir yfir vantrausti á kjararáð- Myndar starfshóp um „breytt fyrirkomulag“ og „úrbætur“

Ríkisstjórnin hefur skipað starfshóp um kjararáð, í samráði við „heildarsamtök á vinnumarkaði“, líkt og segir í tilkynningu frá forsætisráðuneytinu. „Hópurinn skal bera saman fyrirkomulag um ákvörðun launa hjá kjörnum fulltrúum, dómurum og embættismönnum í nágrannalöndum og leggja fram tillögur að breyttu fyrirkomulagi launaákvarðana kjararáðs, sé annað fyrirkomulag talið líklegra til betri sáttar í þjóðfélaginu til […]

Gunnar Atli ráðinn aðstoðarmaður Kristjans Þórs

Kristján Þór Júlíusson, sjávarútvegs- og landbúnaðarráðherra, hefur ráðið Gunnar Atla Gunnarsson sem aðstoðarmann sinn. Hann hefur störf í ráðuneytinu í dag. Kristján Þór mun þar með hafa tvo aðstoðarmenn en fyrir er Inga Hrefna Sveinbjarnardóttir sem er sem stendur í fæðingarorlofi. Gunnar Atli er stúdent frá Menntaskólanum á Ísafirði, með Mag. Jur. í lögfræði frá […]

Vilhjálmur Bjarnason: „Borgin stundar mikinn fjandskap við íbúa sína“

Vilhjálmur Bjarnason, frambjóðandi í leiðtogakjöri Sjálfstæðisflokksins fyrir næstu borgarstjórnarkosningar, skrifar grein í Morgunblaðið í dag, hvar hann fer yfir helstu hugðarefni sín í borgarmálunum. Eru þar húsnæðis- og velferðarmál ofarlega á baugi, en athygli vekur að Vilhjálmur minnist lítið sem ekkert á samgöngumál eða borgarlínu, en hann hefur þó áður lýst yfir efasemdum um hana, […]

Strætó að eldast – Um helmingur 10 ára eða eldri

Samgöngumál borgarinnar eru nú í brennidepli, þegar styttist í sveitastjórnarkosningar. Ljóst er að samgöngumál verða eitt af stóru kosningamálunum, ekki síst almenningssamgöngur, þar sem Borgarlínan hefur verið í forgrunni. En hvernig stendur Strætó ? Samkvæmt Jóhannesi Rúnarssyni, framkvæmdarstjóra Strætó, eru 49 af 95 strætisvögnum fyrirtækisins 10 ára eða meira og eru tveir þeirra 18 ára […]

Borgin úthlutaði lóðum fyrir 1711 íbúðir árið 2017

Alls voru samþykktar lóðaúthlutanir fyrir 1.711 íbúðir í borgarráði á síðasta ári. Mikill meirihluti úthlutaðra lóða var fyrir byggingarfélög sem starfa án hagnaðarsjónarmiða. Borgarráð fékk kynningu á úthlutunum lóða á fundi sínum í gær. Þetta kemur fram í tilkynningu frá borginni. Úthlutað var lóðum fyrir 1.711 íbúðir í borgarráði í fyrra. Af þeim eru 1.422 […]

Forsætisráðherra í heimsóknarhug

Katrín Jakobsdóttir forsætisráðherra var á faraldsfæti í gær, en hún heimsótti bæði umboðsmann barna og Seðlabankann. Umboðsmaður barna, Salvör Nordal, gerði Katrínu grein fyrir stefnumótun og áherslum embættisins fyrir tímabilið 2018 til 2022. Fram kom að embættið telur brýnt að efla stefnumótun á mörgum sviðum sem tengjast börnum. Grunnur að því sé greining á stöðu […]

Þórir Guðmundsson ráðinn fréttastjóri Stöðvar 2, Bylgjunnar og Vísis

Þórir Guðmundsson hefur verið ráðinn fréttastjóri Stöðvar 2, Bylgjunnar og vísir.is. Þetta kemur fram í tilkynningu frá Vodafone. Þórir er með meistaragráðu í alþjóðlegum samskiptum frá Boston University og B.A. gráðu í Blaða- og fréttamennsku frá University of Kansas. Þórir starfaði sem fréttamaður á fréttastofu Stöðvar 2, fyrst á árunum 1986 til 1999 og svo […]

Dauðans alvara – eftir Jón Pál Hreinsson og Pétur G. Markan

Þegar þessi orð eru skrifuð hefur einangrun Djúpsins verið viðvarandi frá laugardagskvöldi 13. janúar. Hvað þýðir það í nútímasamfélagi? Frá 13. janúar hafa allir vegir verið lokaðir til svæðisins, vegna ófærðar og snjóflóða, og flugsamgöngur verið stopular til landshlutans, vegna óhagstæðra vinda. Tvær megin orsakir eru til grundvallar þessari eingangrun; erfitt flugvallarstæði á Ísafirði og […]

ESB ræðst gegn plastmengun: Meira af plasti en fiski í sjónum árið 2050 með sama áframhaldi

Samkvæmt nýrri áætlun Evrópusambandsins verða allar plastumbúðir gerðar úr endurvinnanlegu efni fyrir árið 2030, dregið verður verulega úr notkun einnota plasts og skorður settar við notkun örplasts. Áætlun Evrópusambandsins til að bregðast við plastmengun er ætlað að vernda náttúruna, verja íbúana og styrkja fyrirtækin. Áætlunin er sú fyrsta sinnar tegundar og á að stuðla að […]

Stefnt að opnun neyslurýma fyrir vímuefnaneytendur

Svandís Svavarsdóttir heilbrigðisráðherra hefur sett af stað vinnu í velferðarráðuneytinu til að undirbúa opnun neyslurýma fyrir langt leidda vímuefnaneytendur. Neyslurými sem þessi eru þekkt úrræði erlendis og byggjast á hugmyndafræði skaðaminnkunar. Alþingi samþykkti í maí árið 2014 ályktun um að stefna í vímuefnamálum skyldi endurskoðuð „á grundvelli lausnamiðaðra og mannúðlegra úrræða, á forsendum heilbrigðiskerfisins og […]

Arnar Þór Sævarsson verður aðstoðarmaður félags- og jafnréttismálaráðherra

Ásmundur Einar Daðason félags- og jafnréttismálaráðherra hefur ráðið Arnar Þór Sævarsson, fráfarandi sveitarstjóra á Blönduósi aðstoðarmann sinn í velferðarráðuneytinu. Arnar Þór útskrifaðist úr lögfræði frá Háskóla Íslands árið 1999 og tók ári síðar réttindi til að gegna lögmennsku. Hann hefur gegnt stöðu sveitarstjóra á Blönduósi frá árinu 2007. Áður var hann aðstoðarmaður Jóns Sigurðssonar, þáverandi […]

Virtur læknir óttast að Trump fái hjartaáfall-Mældist með hættulega hátt kólesteról

Donald Trump Bandaríkjaforseti var sagður við hestaheilsu í reglubundinni læknisskoðun sinni á dögunum, þegar hann var skoðaður af lækni Hvíta hússins, Dr. Ronny L. Jackson. Sagði læknirinn að hjarta- og æðakerfi Trumps væri í fínu standi, þrátt fyrir að LDL kólesteról magnið mældist 143, sem er langt yfir viðmiðunarmörkum. LDL kólesteról er gjarnan nefnt „vonda“ […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is