Fimmtudagur 04.02.2016 - 21:00 - Ummæli ()

Endastöðin í samstarfi ríkisstjórnarflokkanna er í augsýn segir ritari Sjálfstæðisflokksins

Áslaug Arna Sigurbjörnsdóttir. Mynd: DV/Sigryggur Ari

Áslaug Arna Sigurbjörnsdóttir. Mynd: DV/Sigryggur Ari

Endastöðin í stjórnarsamstarfi Sjálfstæðisflokks og Framsóknarflokks er í augsýn. Þetta segir Áslaug Arna Sigurbjörnsdóttir, ritari Sjálfstæðisflokksins, í samtali við Eyjuna. Áslaug segir að stjórnarsamstarfinu verði ekki haldið áfram eftir næstu Alþingiskosningar, nema að verulegar breytingar verði á fylgi stjórnarflokkanna. Jafnframt vonist hún til þess að næst þegar Sjálfstæðisflokkurinn taki sæti í ríkisstjórn verði það með frjálslyndari samstarfsaðila.

Áslaug Arna var gestur Björns Inga Hrafnssonar í þættinum Eyjunni í byrjun janúar síðastliðnum og talaði þar á þeim nótum að það væri vel athugandi fyrir Sjálfstæðisflokkinn að leita samstarfs við Pírata að loknum næstu kosningum. Vilhjálmur Árnason, samflokksmaður Áslaugar Örnu, talaði á svipuðum nótum í viðtali í Viðskiptablaðinu sem út kom í dag. Þá hafa þau bæði gagnrýnt húsnæðisfrumvörp Framsóknarkonunar Eyglóar Harðardóttur, ráðherra húsnæðismála.

Því vakna spurningar um hvort átök milli stjórnarflokkanna tveggja séu að harðna. Áslaug Arna segir að auðvitað séu alltaf einhverjir átakapunktar milli flokka í ríkisstjórnarsamstarfi.

Framsóknarflokkurinn og Sjálfstæðisflokkurinn eru ekki sami stjórnmálaflokkurinn, þvert á móti eru þeir sitthvor flokkurinn og stefna þeirra stangast á í ýmsu. Þótt það hafi gerst í síðustu ríkisstjórn þá er það ekki eðlilegt ef fólk hættir að greina á milli flokka á stjórnarsamstarfi. Flokkarnir eiga einmitt að takast á um mál.

Áslaug Arna segir Sjálfstæðisflokkinn í grunninn frjálslyndan flokk en Framsóknarflokkinn hins vegar gjarnan stjórnlyndan. Hún nefnir dæmi um mál sem var á dagskrá Alþingis fyrir jól, um afnám á því sem hún kallar „himinháan“ toll á kartöflusnakki. Þar hafi ekki verið samstaða milli stjórnarflokkanna. „Enda stendur Sjálfstæðisflokkurinn fyrir afnámi tolla, ásamt afnámi vörugjalda og lækkun skatta. Framsókn aftur á móti ekki.“

Í ljósi þess að bæði Áslaug Arna og Vilhjálmur hafa nú talað með þeim hætti að samstarf við Pírata sé mögulegur kostur við myndun næstu ríkisstjórnar vaknar einnig sú spurning hvort Áslaug Arna aftaki frekara samstarf við Framsóknarflokkinn. Hún segir að endastöðin sé í augsýn í þeim efnum.

Því [stjórnarsamstarfinu] verður ekki haldið áfram eftir 15 mánuði nema verulegar breytingar verði á fylgi stjórnarflokkanna. Ég vona að næst þegar Sjálfstæðisflokkurinn tekur sæti í ríkisstjórn þá verði það með frjálslyndum samstarfsaðila þannig að ágreiningurinn verði um hve hratt eigi að ganga frelsisveginn, ekki hvort.

«
»

Ummæli ()


Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Birgitta: „Nú reynum við að nálgast þetta út frá miðjunni“

Allt bendir til að stjórnarmyndunarviðræður milli Vinstri grænna, Viðreisnar, Bjartrar framtíðar og Samfylkingarinnar undir forystu Pírata hefjist dag. Birgitta Jónsdóttir þingflokksformaður Pírata segir að viðræðurnar hefjist á erfiðu málunum og þá muni liggja strax fyrir hvort flokkarnir nái saman eða ekki. Í viðtali við Morgunútvarp Rásar 2 í morgun sagði Birgitta að Píratar væru búnir […]

Forsætisráðherra Ítalíu boðar afsögn sína eftir tap í þjóðaratkvæðagreiðslu

Útgönguspár um niðurstöður þjóðaratkvæðagreiðslunnar sem fram fór á Ítalíu í dag um breytingar á stjórnarskrá þar í landi benda eindregið til að meirihluti kjósenda vilji ekki að stjórnarskránni verði breytt. Spárnar sýna að 57 til 61 prósent hafna breytingunum en 39 til 43 prósent samþykktu þær. Matteo Renzi forsætisráðherra boðaði afsögn sína í ávarpi til ítölsku þjóðarinnar […]

Varaformaður Vinstri grænna: Kerfisbreytingaflokkar fengu ekki meirihluta á Alþingi

Björn Valur Gíslason, varaformaður Vinstri grænna, segir að kerfisbreytingaflokkar hafi ekki fengið meirihluta á Alþingi í nýliðnum þingkosningum. Kerfisvarnarflokkar hafi fengið fleiri menn en þeir sem vilja leggja mesta áherslu á umfangsmiklar og hraðar kerfisbreytingar. Þetta segir Björn Valur á heimasíðu sinni. Er þetta athyglisvert innlegg í stjórnarmyndunarviðræður sem hefjast á morgun milli flokka fimm […]

Harðlínu-hægrimaðurinn Hofer beið afgerandi ósigur í Austurríki

Norbert Hofer forsetaframbjóðandi Frelsisflokks Austurríkis hefur viðurkennt að hann hafi beðið lægri hlut í forsetakosningunum í Austurríki sem fram fóru í dag. Fyrstu niðurstöður benda til að keppinautur hans Alexander Van der Bellen hafi hlotið 7 prósentum fleiri atkvæði. Svo virðist sem Hofer hafi hlotið um 46 prósent atkvæða á meðan 53 prósent hafi fallið […]

Forsetakjör í Austurríki í dag: Harðlínu-hægrimaðurinn Hofer næsti forseti?

Bylgja aukinnar þjóðerniskenndar, andstöðu við Evrópusamruna, alþjóðavæðingu, innflytjendastefnu og gagnrýnnar afstöðu til íslam sem nú fer um hinn vestræna heim gæti fengið aukið afl eftir forsetakosningarnar sem fara fram í Austurríki í dag. Þar takast á Norbert Hofer (45) og Alexander Van der Bellen (72). Þetta er í annað sinn á þessu ári sem forsetakosningar […]

Það eru gamaldags viðhorf að býsnast yfir stjórnarmyndunarumboði Birgittu

Það eru gamaldags viðhorf að býsnast yfir stjórnarmyndunarumboði Birgittu. Hér eru leikreglur lýðræðisins að verki. Píratar eru þriðji stærsti stjórnmálaflokkur landsins með 14,4% fylgi í síðustu kosningum og 9 þingmenn. Formenn tveggja stærstu flokkanna hafa fengið tækifæri til að mynda ríkisstjórn og það hefur ekki gengið upp. Þetta segir Styrmir Gunnarsson, fv. ritstjóri Morgunblaðsins í […]

Fyrst BREXIT, síðan Trump, og í dag nötrar Ítalía

Ítalir ganga í dag til þjóðaratkvæðagreiðslu um breytingar á stjórnarskrá sinni. Hverjar sem niðurstöðurnar verða þá er ljóst að komið er að miklum vatnaskilum í ítölskum stjórnmálum eins og Jóhannes Björn rithöfundur lýsti í frétt hér á Eyjunni í gær. Tilefni þjóðaratkvæðagreiðslunnar er að Matteo Renzi forsætisráðherra Ítalíu, sem heyrir til á miðju hins pólitíska […]

Norðmenn biðja Trump um hjálp gegn Rússum: Hann hringir ekki í Sigurð Inga

Ine Eriksen Söreide varnarmálaráðherra Noregs biðlar til Donalds Trump verðandi Bandaríkjaforseta að hann leggi fram skýra stefnu gegn Rússlandi. Þetta kemur til vegna þess að norska ríkisstjórnin hefur áhyggjur af auknum hernaðarumsvifum Rússa á norðurslóðum. Norski varnarmálaráðherrann sagði á varnarmálaráðstefnu í Kaliforníu í gær, föstudag, að nú sé mikilvægt að sett verði fram skýr stefna […]

Ögurstund á Ítalíu: Hvað var fólk að hugsa árið 2016?

Morgundagurinn gæti orðið mikill örlagadagur á Ítalíu og raunar í Evrópu allri. Þá ganga landsmenn til kosninga og kjósa um breytingar á stjórnarskránni. Þetta verður mikill örlagadagur, segir Jóhannes Björn rithöfundur. „Ef kjósendur segja “já” verður Ítalska þjóðin “Grikklandsvædd” og erlendir peningar koma til hjálpar. Allt sem ríkið (fólkið) á og skilar arði verður einkavætt, […]

Óþarfi hjá forsetanum að veita Birgittu stjórnarmyndunarumboðið fyrir helgina

Það var óþarfi hjá Guðna Th. Jóhannessyni forseta Íslands að veita Birgittu Jónsdóttur stjórnarmyndunarumboð fyrir helgina. Allir séu að tala saman og pörunartími standi yfir fram að næstu ríkisstjórn. Þetta segir Þorgerður Katrín Gunnarsdóttir þingmaður Viðreisnar. Hún var gestur í þættinum Vikunni hjá Gísla Marteini Baldurssyni í Ríkissjónvarpinu í gærkvöldi og ræddi þar stöðuna í […]

Birgitta er komin með stjórnarmyndunarumboðið

Birgitta Jónsdóttir þingflokksformaður Pírata er komin með stjórnarmyndunarumboðið. Þetta kom fram í máli Guðna Th. Jóhannessonar forseta Íslands í kjölfar fundar hans með Birgittu á Bessastöðum. Birgitta er þriðji flokksleiðtoginn til að fá stjórnarmyndunarumboð frá forseta Íslands, en hvorki Bjarna Benediktssyni formanni Sjálfstæðisflokksins né Katrínu Jakobsdóttur formanni Vinstri grænna tókst að mynda ríkisstjórn. Píratar eru […]

Ef hið sama tíðkaðist í Bandaríkjunum og á Íslandi sæti verðandi Bandaríkjaforseti nú á bak við lás og slá

Í dag verður mál Péturs Gunnlaugssonar útvarpsmanns á Útvarpi Sögu, Jóns Vals Jenssonar guðfræðings og fleiri einstaklinga tekið fyrir við Héraðsdóm Reykjavíkur. Er þeim gefið að sök að hafa viðhaft hatursfulla orðræðu í tengslum við hinseginfræðslu í grunnskólum Hafnarfjarðar vorið 2015. Ummælin sem voru látin falla á Útvarpi Sögu á sínum tíma vöktu mikla athygli […]

Efi meðal Vinstri grænna um fimm flokka stjórn – Katrín: Ástæða til að skoða þjóðstjórn

Lítill áhugi er meðal þingmanna Vinstri grænna um myndun fimm flokka stjórnar með Pírötum, Viðreisn, Bjartri framtíð og Samfylkingunni. Segir Katrín Jakobsdóttir formaður VG að slík stjórn strandi fyrst og fremst á Viðreisn sem hafi ekki viljað gefa eftir í viðræðum flokkanna sem var slitið fyrir rúmri viku. Frá þessu er greint í DV og […]

„Það er tímaspursmál hvenær Danmörk yfirgefur Evrópusambandið“

Forystumenn Danska Þjóðarflokksins hittu Nigel Farage, fyrrverandi formann Breska Sjálfstæðisflokksins, UKIP, í Kaupmannahöfn á miðvikudaginn. Þar voru skýr tákn á lofti um að flokkurinn væri að íhuga að styðja við þjóðaratkvæðagreiðslu um veru Danmerkur í Evrópusambandinu. Þessi tíðindi endurspegla strauma í átt að aukinni þjóðernishyggju á Norðurlöndunum, en líkt og Eyjan greindi frá nýverið er […]

Eyjan Miðlar ehf. - Kringlunni 4-12, Reykjavík - eyjan (hjá) eyjan.is